門訓camp,這個暑假最後的一個camp,也是最特別的一個camp。
特別在這個camp只有14人
特別在這個camp是住度假屋
特別在這個camp隨了玩之外再無別的programme
特別在這個camp我們生活都很黴爛
8月24第一天,
10點多去到定福與molly餵魚買餸,正確來說是她們買,我幫手拎。
買完返到定福,上一代先去買,米呀,蛋呀,油呀,早餐呀,全部塞給他們買~呵~辛苦晒辛苦晒。
1點3集合....mimimomo搞一輪,影下相,最後2點40分先上車。
余仁的行裝成個穿梭機般巨形,可以把molly塞進去也沒有問題...哈
去到東涌,係東薈城又搞左一輪再上車去貝澳,這趟車程不太舒服...
終於來到我們的度假屋,細到無倫呀...哈~不過又好喜歡這種大家擠在一起的感覺,好正。
第一晚的晚餐是我們新一代門訓煮給舊一代門訓,但由於廚房太小的關係,主要都是molly和kansee在煮(其實係唔係都係佢地煮的~呵)
可憐的廚房,只有一個爐、一把鈍鈍地的菜刀、一個鑊、一個bow...
我可以幫忙用叉刨薯仔皮,仲有撻d魚肉落蛋餅上再卷埋佢...當然,仲可以幫忙試食啦~呵
余仁好勁,居然有cook set同埋刀仔,都奉獻上來煮食和切豬肉...
molly和kansee實在是太厲害了,好好好好吃呢!!
食完飯又到我貢獻的時間,同鄧家兩個幫手洗碗。
鄧家把飯煲的稀飯(註:是寶寶加水太多弄成的)弄出來的時候,我突然覺得把這些飯整落龜龜塊面度效果好似不錯,於是就將我的想法告訴鄧家,事就這樣成了。
一開始只是龜龜、鄧家在玩飯,然後龜又係我洗碗時把飯抹在我臉上..我當下的反應時拎起鑊剷"隊"落鍾曉輝度....
接著龜龜、鄧家開始周圍攻擊,一場飯的混戰就這樣開始了。吳森煜個變態仔居然一手插落咖哩度,oh no...大家知道當時的場景嗎?
他們有他們混戰,我在一旁認真地洗碗...呵
搞左一輪,飯煲同咖哩都俾我洗晒之後,佢地無野玩終於肯停止,排隊洗頭。
昔日有耶穌為門徒洗腳,今日有周俊為徒弟洗頭。
龜龜件尼團衫變左黃色,鄧家的耳仔全塞滿咖哩飯。
周俊仲話我地門訓組就改名做咖哩飯啦...ROSE MARY的朋友RICE CURRY...呵
清洗完畢去了海灘正正式式開一次門訓,聽左一個很傳奇的周俊生平。
相當期待下次的開組時間呢~
玩水時間,零晨時份,7條友又吵又變態係度玩水。
kansee被激發了潛能,居然是她撻了我三次落水.....=.=
濕淋淋地回到度假屋,等沖涼等到3點...oh no左。
(被逼)和她們說了一些我想講好耐的東西...講到6點....
訓左兩個小時,聽到男生們的歸來(由於我們只有一張碌架床和一張雙人床,所以他們要到海邊紥tank),開始煮早餐,再訓一陣先。
8月25日,早餐由上一代負責,炸薯餅、莎利蛋糕、果汁先生,好奢侈的一頓早餐呢,不過好正~@v@
食完之後,第一代去左海灘退修,見有點時間,諗住攤一攤,點知成組門訓+師傅一起訓...一訓訓到成下午1點,果然係黴爛....=.=
出去食完lunch(貴到死)接埋遲入的stella,就進入下午的programme...全玩。
一開始周俊余仁係度摸蜆,愈摸走得愈出,最後由摸蜆變左浸水+玩海底泥。
玩得泥都知又會開戰,加埋上一代幫變態仔,變左兩代混戰。成身成頭成咀都係黑泥,鄧家外加成耳都係....呵
成個下午都是癲的,浸了在海水成日...好彩無人撩起余仁咁衝動...但係佢會扮大白鯊咬人....=.=""
又是濕淋淋地回到度假屋,又係等沖涼,不過今日係邊等邊食~
晚餐根本就沒有一個完整的模樣,每煎好幾隻雞翼不用幾分鐘就會全沒了...
邊煮邊食感覺不錯,新鮮熱辣地吃...哈
一起煮飯又一起走來走去食飯好好玩感覺好正,我們14個人真的好似一家人。
晚上又分開兩代開組,我們擠在床上一起玩 沒有不能說的秘密....=.=
抽啤牌,最大問最細。一開頭都係鄧家問,傻傻地問埋d熱身問題,你平時會做咩架?...
哈..牌到我們手,就開始進行大逼攻了!
好好玩呀,沒有不能說的秘密,鄧家~~~*v*
不過,全晚的高潮位似乎是我....orz
上一代無端端話要interview我地,一入到去果果都好嚴肅,問埋d門訓interview時家豪問我的問題....=_="
黎子進果樣真係令我覺得有點不知所措,明明比我小,卻又裝嚴肅....=.=
余仁被冷落了...好慘呀~~哈~
8月26日,最後一天,繼續黴爛,睡到差不多10點。
執野清潔走人,搞左成朝。
等巴士,等左好好好好好耐,耐到佢地開檔鋤dee。竟然call的士都無的士係附近,真係唔得左囉。
去左昂平360入心經間林影kai相....看見了那個本來我們昨晚要攀的山,呼了一口氣...幸好昨晚閃電取消了這個行程。*v*
拍照拍了好一陣子,再走回車站,又是等車的時間.................=.=
最後終於等到一架的士,我和龜龜、stella、molly、余仁就先上了。
很難受的車程...說真的..很想訓覺,但又睡不到...oh....
又回到東薈城,又到同一處地方集合。買了一條法巴,成支棒球棒的樣子....足夠我們14個吃...哈
去金廁所食飯(其實我們連早餐都未吃,那時已經4點了),30塊一個餐,碟豬頸肉飯是我見過最可憐的豬頸肉飯...只有4片+很少飯。
大家個餐都係超少,食完仲餓過未食。對於它收我們每位30+2蚊茶水+加一,真的有點不滿。=.=
搭E33回到屯門,總是完結這3日兩夜的門訓CAMP。
好開心可以與周俊余仁龜龜士巴琴琴阿達森煜子進momo餵魚寶寶kansee鄧家無聊變態左3日...
很感受到一家人的感覺,那種無分彼此的感覺
門訓這一年一定會好正,yeah!
|
