天氣太冷，我讓我的大熊公仔和我一起睡，暖了好多。
不過到夏天，牠又會被我丟走在床尾的，哈。

唉，睜開眼發現，事實就是如此慘酷，又要開始拜年的日子。
今日，跑了三場。

第一場，飲茶。
我爸爸的朋友，一封利是一百，我每年就是這個時間很樂意和爸去飲茶的！哈！
有個ＢＢ女，一歲，好可愛，不過佢長期唔理我，好灰。
然後，我爸和他的朋友傾，我娘和他朋友的老婆和ＢＢ傾，而我…就在頹。
呆坐了兩小時，真係好眼訓！

第二場，旺角親戚家拜年。
這場只留了一小時，本來以為只有姑媽在收入比較坎坷，但原來會出現人不到利是到的！
滿足地收了六封利是。

第三場，表姐家。
其實去到表姐家已經好開心，因為是我們最熟的親戚，大家都不必拘禮。
行行企企，玩了叮噹大富翁，彈了琴，上了網，見無咩做，訓埋覺，真好！
晚上又重溫兒時年少無知拍下的白痴video..笑到肚痛..點解..我會咁kai的....
糜爛的拜年生活...

今日睇到三次渣打馬拉松的廣告..
你準備好未?..............
...........................未!

病危的人,要保重身體!
該食藥的食藥,該睇醫生的睇醫生呀!