呀,以前的我很愛冬天,鍾意凍的感覺。
但,我要變心了。
當我今天再次在返學路上吹到頭都甩、凍到傻的時候.....我就知道,
我早就不再喜歡這個季節了。

唔....今朝仍然處於未訓醒的狀態,同學負責的早會要用腦諗得著既,hand晒機喎。
pa堂,ms sin一入黎就話:「做乜呀joyce,第一堂咋喎?就咁眼訓?」
我答話,就是第一堂少最眼訓...= =
不過依家PA操緊past paper,不斷做數,i lovin' it!

第一個小息,在圖書館有一個為加信手術的特別祈禱會。
希望佢唔好死係手術室啦...XD

我又放棄左今堂ECON,轉戰本很沒有趣的中國語文古代知識趣談...==!!
死人梁昊賢!!!除我條橡筋都算了,連我條tie都唔放過....仲有,你畫紅左我件冷衫,洗唔甩係咪賠水先?打死你呀...._ _#
文學堂黎SIR又唔記得左默書喇....還等我溫左咁耐....有人釣魚釣得好嚴重...=v="

lunch本來諗住快點食完快點溫測驗,點知都係hea過了......

中化開卷測驗,中國語文古代知識趣談成本咁厚,我最後只看了一半都沒有。
其實,應該溫目錄至岩...
測五題,吹水+揭書抄...感覺好得意。
不過出了兩題我完全沒有睇過的東西...= =...即睇即吹,完全唔夠時間。
完了吧,如無意外......-v-

放學高團,第二次來。一次被屈來唱歌,一次被屈來分享。
呀呀,加信返左黎呀,果然無死係手術室喎。
公公講柬埔寨、我同加信講中山..哈,勾起很多很多的片段呢!
其實沒有特別預備要說什麼的,臨場發揮,留番點空間給上帝嘛...hehe
哎,如果唔係古運雙係咁圈我,我可以講多d架!

走的時候，跟兩個約團的小朋友一起行。
好像是叫rocky(中二的那個)..幫幫在教會見到的面孔。
唔知點解佢會識我個名,...真奇怪。
不過,二人皆乃無聊之士。

其實,我兩晚都無做到黎sir份功課。
欠左咁耐,唔差在這兩天///下星期先算...*v*
今晚做研經...

哎呀…這樣冷的天氣只想躲在被窩裡。
於是乎,今早起床刷牙食早餐換完衫之後,又訓過....咁都俾我訓到廿分鐘,睇來明天可以再遲一點起床...=v=

不過因為起床後再睡,比平時更眼訓。
好彩今日day E…好易過。
中化堂堂都係度討論和報告,唉...
不過堂間帶來了一個令人振奮的消息,第3、4堂到圖書館自修!=V=
本來打算好好的訓一覺又或者把那本<中國語文知識趣談>看一看...不過最後被拉了落HALL練跳舞...
Shake rock'n roll這首歌我聽到會發惡夢了。

UE有強強勢回歸,全班歡呼。
不過佢一來就說一句:I DON'T WANT TO TALK TODAY...
最後給了我們做LISTENING...haunted house...很oh no的past paper...
呀!忘了說,在一切之先是即堂抽人出去presentation...我都feel到今日我會中的了....=.=
出到去"立"一"立"d topics...揀了my favourite movie...
介紹了Evan Almighty..胡亂說一通,不過最後扯到去福音週趁機傳了下福音。XD
總算是有點意義的一個present...有強竟然說enjoy listening to my presentation...- -

lunch同luen、寶寶、加信約了一班1A食飯,原來我妹都在....=.=
其實中一的女生不比男生易控制很多....
和他們hea了一陣就要上去練舞lu...

練到開始上堂,原來可以繼續練...我地係第一組開始練,一邊跳留下一邊有人在鬼叫...=.=
6組練完就開始考試了...
死MARCO...正式黎又唔記得舞步,又唔同我數拍子,淨係識一面茫然望著我然後問跟住跳咩....激到我想一巴車埋去...
最後總算順利完成,MISS睇黎好滿意...
我鍾意龜龜佢地組的公然打情罵悄..呵呵
最後無端端要encore...屈機....仲話CHRISTMAS SERVICE junior同senior兩場都要上去表演....唔好呀.............

放學,同加信去定福。黃詩蕊,我下次實會打死你...==
呵呵,加信好好玩呀...*v*你亂講野時我都會亂玩野...
去到定福做左正經野先,之後一邊睇很沒趣的趣談,一邊聽他們敬拜。
肥仔剛都唔知係咩年代的人來的,他的AL課程跟我們不同..
唉,電結他+bass真的好噪!我不喜歡這兩個樂器...
哎呀...爸爸今日好暴力呀,平時淨係會同我講早晨,今日打我呀..嗚嗚...><

之後鄧家俊黎到,原來佢仲好玩...呵呵。
其實我真係以為,我幫你揀錯左size架,唔係特登fake你打過去架...
噢,之後同佢大戰,同門相殘....呵呵呵...
鄧家俊,我仲有排同你玩....hehehe

噢,今晚要繼續整聽日高團的短宣分享ppt,
要睇晒本<中國語文知識趣談>聽日測驗,
要做門訓研經功課
要繼續做久了黎sir良久的功課...

P.S. 加信明天手術順利!大家為他代禱吧。

P.S.2 嘩,多謝MJ遠在加拿大整給我的生日賀圖!講真架,好感動!