原本我係無諗過會玩的，因為無連機Jackpot

佢係每部機計算，即係每部機中Jackpot得$8000

澳門玩果D連機Jackpot起碼有幾十萬

而且玩五蚊可以拉25次(1 lines)或5次(5 lines)

但呢度係兩蚊拉1次 (1 line)

貴過澳門成10倍價錢  So Crazy ~

不過太無聊，剛好身上有三個兩蚊就隨手玩下

點知入第一個兩蚊就中左$10，

但最後我都好快就輸哂果三個兩蚊

我見自已第一局就中都算好手氣，所以唱錢再玩下啦

因為平時都唔知玩左幾多錢先有機會中到$10架嘛

嘻嘻！真係超Lucky！！！我都嚇左自已一跳

我玩左十幾蚊就無啦啦就比我中左

我仲要唔知點解自已中左。。。$$$$$$

係有個男仔解釋我聽，但聽完我都唔係好明

不過唔緊要啦！ 重點係我贏左錢錢嘛

我終於感受到成堆錢跌落黎果種『咚噹』聲喇

仲要當時好多人圍過黎望住我。。。羨慕的眼神

今次終於係人地望我，而唔係我望人地喇！

跟住就唱返做現金  .........之後唔玩lu

因為我知道部機中左錢就有排都唔會再中

好開心地去左食宵夜，又同老公吹下水

無啦啦阿三哥坐左響我檯對面個位同大人物密密斟

嗯~~~ 跟住返房度睇下電視，無諗住再賭錢了