An Inconvenient Truth

今日特別去旺角GH睇《絕望真相》

我從來未試過會去戲院睇紀錄片的

但我實在太鐘意呢個題材喇！

一向都有留意開有關資料，正一係我杯茶

前美國副總統戈爾帶出全球暖化問題

睇到真係令人十分心寒同好有震撼力

原來近呢幾年有好多冰山/川

因為全球暖化關係而演變左做沙漠

一D要倚靠冰河而生既生物北極熊為例

因為響水中搵唔到冰塊休息而浸死面臨絕種

全球暖化亦會做成各大天災

如大洪水、乾旱、疫病、海嘯等等

好似好快會世界末日一樣

到時就會好似聖經既啟示錄咁唔會再有海

戈爾推測將會有多個近海低地大城市會沉末

呢個我之前睇書都有睇過了

因為太氣層破損，令到紅外線困住響地球內

引至氣溫過熱，冰溶化成海水不能蒸發

令全球水位不斷標升，沿海及低地地方將會沉沒

好似上海、東京、紐約、首爾、荷蘭、倫敦.....

雖然呢D問題真係會好快發生響我地身上

但戈爾提到只要我地而家盡快改善

都可以回復到 197X 年既地球容貌

可惜既係現今有大部份人都未知嚴重性多大

套紀錄片真係絕讚，影片深入淺出

配以圖表、紀錄、實質圖片、科學研究等

分析出人類正面臨自我毀滅既境地

之前睇過本書講過人類會被自已既文明毀滅

我地而家既所謂科技，正正係破壞地球既重點