|
＊－．－．－．－．－．－．－．－＊
＊－．－．－．－．－．－．－＊ ＊日誌分類＊ ＊－．－．－．－．－．－．－＊
＊－．－．－．－．－．－．－＊ ＊好網連結＊ ＊－．－．－．－．－．－．－＊
＊－．－．－．－．－．－．－＊ ＊Blog Pet＊ ＊－．－．－．－．－．－．－＊ | ||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Michelle真係好春煩 又要我返工前去公司拎野 上到去又要我等左佢傾完個電話 比左件新波衫我，叫我著黎返工 問佢有無多件比我替換又話無 得一件叫我著足一個禮拜先洗一次呀？！ 又同我講叫我每日要出三部機 佢係咪有病？得一款機一日要賣三隻？ 我個Target豈不是仲大過Mo仔？！ 人地都有成十幾款機，一日都係得幾機 如果我真係可以一日賣到三部我就唔洗響度撈 大把人刮我過檔去第度做D高職厚薪既工啦！ 同Sales傾開計佢地問我幾多Target 我話一日要三機佢地都 O 哂嘴 個個覺得一日三機係無可能既事 平時我日日都開到機佢地都覺得係奇蹟 如果有人得閒唔該幫我帶個八婆去睇醫生 返到鋪頭又靜到阿媽都唔認得 落雨濕濕又打三號風球 我都打定輸數今日一定食蛋 點知又比我出左兩機喎！ 真係超級開心呀！喜出望外~ 因為Mo仔咁大個牌子都食蛋 今日一返到公司果個謝飛叫我企門口嗌 佢話個場好靜要搞下氣氛喎！ 我又無乜所謂既，反正我都覺得悶 但我都唔知點解自已今日咁好精力 真係由返工嗌到放工無乜點停過 跟住果個謝飛竟然讚我乖 仲話我係一個好榜樣 @@" 我真係好唔慣佢咁好態度對我囉！ |
2006 年 5 月 17 日 星期三