誰不知來哥叫我去53號

好在 Brain 今日放假姐~

成間鋪得我、洪爺、豪、Jack

唉~原本有個客買 P50 架！

但係我地所有貨調哂左去馬鞍山

得返最後一千零一部機

仲要個螢幕不停咁閃閃下喎！

搞到個客問我有無第二部機

我去6號問Jason又無新機，

去87阿俊幫我pack部Demo機

點知個客又話個相機鏡頭張貼花

佢都知道唔係新機，係返Pack

之後我又要走去6號鋪，

叫Jason幫我pack部Demo機

搞完一大輪，整左好耐！

返去53比個客睇，扮塔完的士去旺角拎機

點知個客一早已經睇穿哂我地既手法啦

又話部機個喇叭位有少少花

肯定唔係新機，話我地部部都有問題.......

唉~！！！有貨無人買，無貨有人爭

又試眼白白睇住果幾十蚊飛走左喇！

六點鐘我就自已提早收工

叫阿Jack幫我保守祕密~Hehe

佢今日遲兩個鐘頭先返工

我就早兩個鐘頭收工

我自已一個出左去油麻地買漫畫

上次買果本『17歲』出左第三期

再買埋上次無買到既『少年犯罪事件簿』

因上次唔齊無買到，So今次買左一套

然後我去左潮流特區果邊睇手錶

我想買錶好耐架喇！之前隻黑鋼限量版壞左

今次主力都係睇紫色既手錶

睇中左好幾隻紫色錶都好靚

但最後都係最鐘意D&G stainless steel

始終都係stainless steel既款係靚D

~就係同呢隻差唔多樣~但我果隻係深紫色

同埋個邊係有鑲閃鑽架！靚好多

▽▼▽▼▽▼▽▼▽▼▽▼▽▼