要去粉嶺名都......聽都未聽過

我十萬個不願意囉！太遠啦！

同埋塔車一日要成四十蚊呀！

佢就話果度有人流都ok

出多幾部機都賺返車費........

之後我收到佢既email有地圖同Jason電話

仲有時間竟然返 10：00 放 22：00

玩我咩！又唔敢親口同我講返十二個鐘

我唔理呀！無親口講我咪扮睇唔知囉

果日我照返 13：00 放 20：00

如果 Michelle 黎左或者知道左

我最多咪話唔知返咁多個鐘囉

之前做 Show 都唔洗返十二個鐘既

Eric 食飯果時比左個 O2 mini 套我

靚野來的，買要成百幾蚊個架！

唔錯唔錯！有個 Screen Cover 好正！

仲同佢女朋友玩左一陣 3G 添！

Michelle 剛剛又打黎

問我同阿細基熟唔熟

又問我佢係咪叫Feaky

係咪以前響『鼻屎』企

十成十係想問細基還左 Demo 未啦

唔好再遲D先問？！而家先黎問！

人地辭左職成幾個月啦！

放工打比老公想問下佢做緊乜

順便想話佢聽我要做Show好慘！

點知一聽電話佢語氣好差好差

我當堂嚇左一嚇成個人窒左，

跟住就嚇到我唔知自已講緊乜野

但佢既態度真係非常之差，

又問我想講乜...........

我果時已經唔知可以講乜

呆左咁拎住個電話話無野講

跟住佢好快就收左線超 hurt

收線後我差D響條街度喊左出黎

佢好耐都無試過咁樣對我

我呢排已經好多野煩好多野諗

加上佢咁既態度同反應

今日真係超Down超唔開心

返到屋企沖涼果時就狂喊黎發洩

以為喊完發洩哂就可以無事

點知而家咪又係一邊打字一邊喊

真係無鬼用呀我~!!!

平時我唔開心都係搵佢傾訴

而家我唔知邊個可以幫到我