中型貴婦狗  Bepa  ( 成日都要攬住我 好嗲架 )

  今日2點幾出到西灣河上堂

真係勁遠呀....剩係坐車已經好累

去到認識左一位都係上第一堂既女仔

大家都係屯門出黎......所以特別岩key

 我仲以為第一堂都係聽下講解

點知原來咁快就同狗狗梳毛同沖涼 

原來剩係梳毛都好難學架.....10幾種梳

今日我就同Bepa梳毛先~  個衰豬好嗲

成日都要攬住我 搞到我好難幫佢梳隻手

梳左足足粒幾鐘..... 之後幫佢洗埋耳仔

史納莎 Choko  ( 乖乖的！不過成日都要訓覺  )

跟住仲要幫Butterfly剪指甲

我的媽呀~    我最驚就係呢part啦！！

成日都唔敢幫佢剪太入，驚佢會流血嘛....

阿Sir話我地兩個都要放膽d喎

最後就係幫Butterfly沖涼涼喇~

佢好驚成身震哂，因為個花灑好大聲

我一路同佢沖一路同佢講野，等佢無咁驚

沖完又要吹風 個風機真係勁大風....

又勁嘈喎....連我都好驚囉！莫講話隻狗

見到好心痛，係咁摸下佢叫佢唔好驚

跟住佢成個頭貼埋我度，真係好Sweet

對左佢成日足足7個鐘，都建立左唔少感情

Butterfly真係好乖呀   唔會郁黎郁去

蝴蝶犬 Butterfly ( 怕羞又慢熱  唔肯望鏡頭影相 )

不過咁乖既狗狗都好難學....咁之後d狗唔乖點算

搞掂哂所有野，阿Sir就教我地剪毛手勢

哇！好難    要keep住一邊係唔郁要好定

剩係手指公果邊郁.....做到之後又話擘得唔夠大...

所以我買左把剪毛刀返屋企練習練習

因為下堂就要正正式式同狗狗剪毛喇~ 好驚

Bepa & Choko