今日第一日返學,返10:30a.m,今朝搭巴士,車上有兩個人係度派飛,我當時係到諗"吓?無啦啦派咩飛呀?"我初時仲以為呢兩個人係巴士度派傳單添,原來個d紙係用黎統計一下有幾多人搭呢條行車線既。

      之後返到去用咗好少時間就搵到個課室喇,但好多人未返,今日第一堂係上工作間人際技巧科,係miss黎架,派咗notes俾我地,之後佢叫我地圍成一個圈,介紹自己,跟住分組坐,我個組,連埋我得兩個女仔,三個男仔,之後做咗一份功課,Miss話下堂每人都要拎張相俾佢,話係用黎點名個喎!!之後就放學啦,三個鐘頭終於捱過咗喇,好開心呀,之後去咗大快活食飯,食完就搭車返黎~返到黎都差唔多三點喇~

10/9,聽日開學啦,

過咗一個咁悠長既假期之後,

又係時候要收拾心情返學喇,

第一日返學返10:30a.m,放1:30p.m,

放學打算去附近間大快活食。

今日番咗去迎新日,朝早搭車好多人,好彩我係總站上車啫,用咗25分鐘(淨係計開車同落車既時間),落咗車之後用咗5分鐘行番去學校,去到之後攞咗份人名表,睇下自己係邊班,我讀1c班,之後去搵集合地點個課室,因為d課室太多,好亂,所以搵咗好耐,但等咗好耐都未入得,而且我可能早得濟,所以好多人都未返,之後入到去,阿sir派咗時間表,學生手冊,書單同課程簡介俾我地,講野講到大約10:30,就入去禮堂,又坐咗一個鐘頭有多,又派咗好多野,又係聽d無聊野,聽到好想瞓覺。