呵...

超唔開心，今日要返心誠練波，

練１１點，我一早８點幾就起左身啦……

跟住９點又落左樓去銀行入錢，之後去左粉嶺鐵路站等爆爆…

我頂∼佢電話勁打唔通囉…

我仲以為佢唔記得左佢約左我１０點（其實我９點７、８左右到），

後尾一打就通左啦！

等埋佢過黎，買埋早餐，返到心誠１０點３都未到，之後係咁傾計。

之後開始練波就唔係幾開心啦，

我地練三人８字，分三行啦，

有條８婆唔想同彭芷晴一隊就走去第二邊，

跟住又推我過去，

我同佢講：有冇搞錯吖你，唔想同佢一隊就走…

之後佢仲要講：平均Ｄ吖嘛！

我心諗：有病吖你？！唔想去咪直講囉！洗咁撚假吖？！

後尾我同佢一隊，明明仍最近中場線但係要我做防守囉！

唉∼冇野好講啦！

放學又係咁，我不嬲講野都咁大聲，識我嘅人都知嫁啦！

蛇女佢行埋黎，隻耳仔有事就唔好行埋黎啦！

跟住又要講粗口罵我，話我迫佢，要我賠錢，

你自己行埋黎我唔通唔俾你行咩？

仲要賴我囉唔該！

之後我成塊面黑哂……唔理佢地自己行，

行到上水名都Ｍ記，

咁都俾我見到顧芷晴∼

後來同左佢傾左好耐就走左啦，

返到樂兒，Miss~Lam俾左封利是我吖∼

一百蚊，超開心，太易開心啦我！

話是話，今日練波果時，

Ryan話２月１５日孫方中vs大埔救恩，

我地有人都去睇，因為我地今年對佢地，一次睇哂∼

有冇人一齊去？？

２月１５星期日下午３點左右係東華對面紅場比咋∼