今日係去"海洋公園"既好日子,今朝8點幾出門口買野~~
一邊同媽子傾電話,一邊買野,買完拿拿時搭車去"大埔壚火車站四號月台"搵媽子,爸子,敏婷,媽子打黎話:乖囡快d黎呀,而家全部人到齊,等緊你,你好魚呀,快d黎啦!!!
我以為媽子講真,立刻跑過黎,點知媽子呃我,得爸子,媽子,敏婷到,爸子係最早到果個,勁喎....
等多一陣,細佬同阿興都到,到齊,我地有六個人去玩,哇卡卡,好開心喔```
首先我地搭火車去"九龍塘",然後轉地鐵搭去"旺角"再轉車搭去"金鐘",過程都幾複雜下....
去到"旺角"個站,細佬話:要旺角轉車...之後弟媳話:油麻地轉都得~~媽子話:係呀!!!Then我地信佢地既說話~~
點知原來係"旺角"個站要落車,比佢去玩屎啦.....爸子話:佢地賣我地豬仔!!!哈哈```
我地到搭車返"旺角",再轉車搭"金鐘",搭到"金鐘"出閘行去"海洋公園629號巴士站"搭巴士,一路等,一路好開心咁傾計....
終於等到巴士啦,由於我好肚餓既關係,係車度開左"花占餅"黎食,好味喔~~
好快就到左"海洋公園"啦,好開心呀,Yeah!!!
去到售票處諗住買$215至專門票啦,點知售罄,我地決定了玩夜場,於是五個人比錢買夜場票....
買完坐陣搭返巴士出"金鐘地鐵站"食野~~
係"金鐘地鐵站"去"太古廣場"行陣,行行下想搭纜車,於是係下面等纜車,我地係咁揀最少人果架纜車坐,揀左好耐,終於揀左架叫做"堅尼地城"既纜車上車,有兩個男仔企左係度同我講:黎食飯就係度上車啦~~哈哈~~好搞笑呀,我上車仲望住果兩個男仔,佢地都係度笑,嘻~~
係車上,我地係咁影相,傾計,望風景,聽電話鈴聲,覺得架車好似兜左好遠咁,好擔心唔識搭車返黎!!!
架車到左終點站啦,我問司機點搭車返去"金鐘廊",司機教返我行,行到對面見到有個大海,我同媽子一枝箭咁跑過去,細佬同弟媳談緊心,阿興同爸子一齊行,呵~~
行到去,敏婷同媽子話:呢個咪係"忘不了"有一段戲係呢度取景既??我話:依,係啵@o@
睇睇下去左睇兩個小朋友釣魚,見到有兩條竟死左,一條魚呆左係度,好驚喔~~
睇多一陣,行去搭纜車返去"金鐘廊",係車上又係度聽電話鈴聲,傾計等等....
係時候落車啦,諗住係"金鐘廊"個站落車啦,點知太多人落唔到,搞到要係下一個站先落到>0<"落車後仲耍行返過去商場上面果度,真係艱辛呀=.=""
我地去"M記",細佬,爸子同阿興食野,我,媽子,敏婷陪佢地3個```
食完去"大家樂"陪返我地三個食野,選擇了So化坐,好舒服呀,我買左"一哥焗豬扒飯+一杯凍檸茶",媽子買左"兩個羅宋湯+一杯凍檸茶",敏婷買左"鐵板燒+羅宋湯",由於敏婷唔要"羅宋湯"於是送左個"羅宋湯"比媽子飲,媽子有"三個羅宋湯"飲呀,好正呀,我都想飲=.=""
食完係度傾計,影相,棄下,棄到三點幾走人....我個袋好重,叫左細佬幫我拎,搞到d人望住細佬!!!=0=""
五點幾搭"海洋公園623巴士",六點去到,嘩,好多人呀!!!見到師兄,佢地好似唔認得我....
我地傾計傾到六點半,懷著興奮既心情入場,首先我地去左"招魂古都"玩,個名叫"勾魂葬族",d鬼都唔係好恐怖~~
然後去"妖夜列車",黑暗女神Elvira陪我地渡過這個超動感旅程,接受各種驚慌感官刺激,本來我地六個人可以一齊坐架,點知後面果個女人唔預我地六位,搞到媽子同爸子坐唔到,我陪媽子去搵位,點知冇兩人位,冇計啦,我地要出去等,我同媽子好嬲囉,你咪讓多兩個位比我地囉,你同你老公坐後面囉,唔係咁都唔得呀化,等多一陣,d人坐完lu,我同媽子揀個最好既位坐,玩緊時我同媽子覺得唔夠刺激,靜係係度笑,哈哈!!!
第三玩"異度廢壚",變種生物及異形遊離浪蕩,四個人玩,由於我地六個人, 所以要分開一隊四人,一隊兩人+唔識既一對情侶,我同媽子,爸子,阿興一對,而敏婷同細佬+一對情侶一對!!!
我地四個人入去先,我同媽子好驚,係咁叫爸子同阿興入去,我係咁拉住阿興件衫企係後面行,媽子拉住爸子件衫行,佢地兩個都唔驚既....我同媽子係咁大嗌,嚇屎我啦~~
我地玩完係出面等弟媳同細佬,等等下我地諗住嚇佢地,叫個保安比提示我地,點知係咁聽到敏婷同細佬嗌,好好笑,細佬佢地出黎啦,媽子出去嚇佢地,我做第二個跳出去尖叫,點知嚇到敏婷同埋果個女仔,我覺得我跳出黎冇咩作用,媽子嚇到佢地多d!!!不過都好既,可以認識到果對情侶```
之後我地去左"兒童王國"行,行行下見到有"旋轉木馬"玩,由細到大我都未玩過,於是細佬佢地陪我玩,坐坐下係度影相,哈~~
第四個玩"鬼神村"排排下隊見到果對情侶,依,咁岩呀,我同佢地say hi,點知開始落雨,真係天公不造美呀,好彩我有帶遮,一把遮遮7個人,勁啵,前面遮到,但d男仔背部後面濕曬,冇計架啦,邊個叫我得一把遮,我都幫唔到佢地~~排排下好大雨,大到7個人都遮唔到,工作人員話要取消個game,我地8個被迫要走到第二度避雨....
避避下,個女仔(阿詩)話:不如我地搭纜車去第二度玩呀~~我地話:好呀!!!於是我地搭纜車,我地六個搭一架纜車,阿詩同佢男朋友又搭一架,我地係纜車度好大聲咁傾計,由於距離遠既問題,要好大聲講先聽到,我地傾傾下唔知邊架纜車既人係度搭訕,我地係咁笑,哈哈~~
搭完纜車我地去"驚慄馬戲班",首先進入妖怪陣地,於恐怖的鏡幻迷宮中穿插,都唔夠我地四個人入去果個咁恐怖....
第五個玩"瘋人島",瘋人島上收容所原來就是"屍人瘋人院",都ok恐怖啦,一開始我拉住細佬入去,點知細佬好似唔想咁,係都要企係敏婷隔離,行行下見到媽子,阿興佢地,於是我拉住阿興件衫行,d鬼係後面嚇我,我咩都睇唔到呀,係咁向前行,總知就驚啦```
我地一齊去左"飛天千秋"玩,阿詩除鞋玩,我都想呀,不過冇除到,好好玩呀,好想再玩多一次,哈~~
玩完阿詩同佢男朋友話要去搭纜車落去,我地同佢地Say Bye,bye後一齊去左"海盜船"玩,爸子佢地話唔玩,我係咁說服佢地,佢地都同我一齊玩,開始玩時,敏婷成隻手放開,好enjoy咁,我係咁笑,d人係咁大嗌,都唔知有咩好嗌=.=""爸子係咁話"我係咪傻架,係咁笑~~我自己都唔知做咩係咁笑,哈,好想再多次呀!!!
玩完玩"過山車",開始果時覺得冇咩點,玩玩下覺得好刺激,個頭係咁比架車搖,好暈又好痛.....
我,媽子同阿興睇弟媳,細佬,爸子睇佢地玩"轉轉杯",睇完玩"跳樓機",好刺激呀,媽子好驚,我拖住媽子,開始果時聽到細佬係咁嗌,都未到最刺激果部份就係度嗌=0=""到到最頂啦,媽子係咁嗌,我開始有d緊張啦,衝落去啦,離心力好大呀,成個人都好似飄起咁,好驚呀,我大嗌左一聲之後就嗌唔出啦,媽子係咁嗌,睇黎媽子係勁驚呀~~
玩完落黎啦,好想再玩多次,於是叫工作人員比多次我地玩,哈~~開始玩啦,好緊張喔...我又拖住媽子啦,媽子依然係咁大嗌=0=""細佬又係咁>.<""去到最頂又係我地最驚既部份啦,又衝落去啦,牙.....成個人又飄起啦,我又嗌左一聲,媽子好驚喔~~我地開始明白原來跳樓係咁恐怖架,以後都唔敢跳樓啦!!!嗚嗚嗚```
玩完諗住玩多個game啦,點知十二點要關門啦,我地行去坐纜車下山,係車上我地又影相,嘻~~
阿興,媽子同細佬畏高好驚,我同弟媳都話唔驚,然後我同弟媳係度大笑,哇卡卡....
坐完纜車搵出口搭通宵小巴,我地搭通宵巴士出"旺角",係車我地係度訓覺,媽子同爸子坐,細佬同弟媳坐,我同阿興坐,佢地兩對情侶,我地唔係=.=""
坐左好耐去站lu,我地每人比$20後落車~~落車後見到有間鋪頭,之後我行左過去買野似,細佬同爸子又買,原本我地買細杯既涼茶,個女人話:令女,見係你,比樽裝你呀```我都唔係令女=.=""
買完後係"百老匯"果條街行,行到旺中果邊等通宵小巴搭返屋企,等等下好多人等喔@w@我地六個沉默中,忽然我覺得好眼訓呀,叫左細佬幫我拎個袋!!!媽子又好眼訓....
架小巴終於黎啦,上車前架小巴牌寫住上水→旺角,以為架車係上水停,問下個人啦,點知個男人同細佬講:呢架車係去大埔呀,係既話上車啦~~但我見到後面係寫大埔→旺角,同細佬講:不如我地去後面果架啦~~點知個男人好惡咁話:都話呢架車去大埔架落,係咪上車架,都唔知你地搞嘜野~~上車後我好惡咁話:點鬼知呢架車去大埔呀,個牌寫去上水,咁我咪以為去上水囉,咁惡罵我地做咩呀??大曬呀....
個司機聽到唔出聲,係呀麻,聽到都嬲呀~~由於肚餓既關係,我係車度食左個飽,食完就訓左覺啦,訓醒細佬話阿興訓左落我個肩膀度,我自己都唔知=w=""
首先送媽子返屋企先,然後再送我返屋企```
返到屋企阿麻同爸爸擔心到我訓唔著,爸爸話叫我以後唔好去"海洋公園"玩,唔制呀,嗚嗚嗚....又話突登係鋪頭同老闆傾計傾到3點幾等我返黎佢先返屋企!!!返到黎係咁比佢話,阿麻又話佢掛住我,所以訓唔著,唉~~
|
