食完飯洗碗,洗完碗浪衫,浪完衫換衫出去"大家樂"搵細佬佢地~~

細佬今晚最早到果個,7點半準時到,我要8點出門口,以後你地約我都係8點好啦,因為我要做家務=.=""

出到黎我第二個人到,細佬都差唔多食完成個火鍋啦,我同佢係度傾計,傾傾下媽子打黎話過緊黎,之後又打比爸子嗌佢出黎,媽子黎到打電話嗌阿興出黎,就係咁啦!!!

媽子同阿興食食下我同細佬覺得d冷氣好凍,於是出左去行一陣,細佬經我介紹下去買左罐"Jolly Sandy"飲,其實我都想飲架,但而家唔飲得,遲d我實會買黎飲架.....

走之前細佬嗌左阿威係M記等,唔知點解我唔係好想,Then我就話要走,媽子佢地都話唔好,但我都走左出去門口,於是細佬追出黎,我唔明點解媽子點解佢地唔一齊追出黎??果時我好失望囉=0=""

去到M記細佬介紹左阿威比我同媽子識,我係咁同細佬傾計,阿興唔知做咩突然呷醋,其實我唔知點面對佢~~

同佢講野又唔應我地,當時我地幾個你眼望我眼咁囉,都唔知點咁,唉```

諗住係度玩鋤D啦,點知個度d員工話唔準玩,等多一陣咪走人囉,走果時搵阿欣同佢傾左陣計,佢倒左兩杯水比媽子同細佬飲,佢經理同同事又望住我地>.<""

傾完走人lu...首先送媽子返屋企,行行下媽子竟然偷襲我,搞到我係度尖叫,真係悲哀!!!

送完媽子細佬佢地送我返屋企,返到屋企差唔多十二點lu....