下午一點出門口,岩岩行到走廊出面,Carman打黎,我都知佢岩岩訓醒架啦,次次都係咁=.=""

我同佢講自行到<大埔壚火車站四號月台>等,佢又叫我係<太和火車站大堂>等,於是等左佢幾個字,之後一齊搭火車去<大埔壚>,去到月台,阿冼佢地匆忙地跑入火車,係火車度我地係度笑,哈哈~~

去到大圍,我地跟阿冼去<美林村>,記得會考果時同孫兒和Carman去過,去到"香港小童群益會"果度,以為係入面啦,點知阿冼佢地出黎話唔係,有個女仔拖住個妹妹仔嗌阿冼,阿冼又聽唔到,於是我幫佢嗌阿冼,但阿冼依然聽唔到,後來有個男仔幫我嗌佢先聽到,唉....

個女人係阿冼既屋企人,佢帶我地去美桃樓,之後個女人就拖住個妹妹仔走左啦```

去到派工作紙,填From後,三點開始聽"個人理財"講座,由於食左藥既關係,越聽越眼訓Zzzz''''

四點半聽完,個Jacky Cahn走左,香Sir繼續講返事項同去Camp既野比我地知,五點半走得,我,Carman,細佬,爸子和名棠陪阿冼等佢家姐,陪完後我地行去<大圍火車站>搭火車,返到"太和"我同阿棠陪細佬,Carman和爸子去"津津"食野,Carman要返學,食完即刻走左,得返我地幾個係度,之後細佬同爸子送我返屋企後去留下籃球場打籃球!!!