十點鐘換衫,執野出街lu...

去到以為我係最遲果個啦,點知唔係,原來仲有細佬同未來弟媳遲過我=0=""

Carman又放我地飛機,我地足足等左一個鐘,你唔出得黎咪打個電話比我囉,點解你唔打黎話我知呀??害到我地等左你幾耐呀,搞到我冇得唱k唱耐d~~咩都係你錯呀,哼!!!

等等下,我話:佢唔會黎架啦,走啦!!但弟媳,媽子佢地又話要等,ok等囉,等到我唔耐煩就走人```

係火車度無意中遇到一個人,我同弟媳同佢傾左一陣就走啦~~

十一點四十五分到左K房,今日我,細佬(阿南),阿公(阿華)和媽子(Fanny)幫弟媳(阿冼)慶祝生日....

我係第一個開齋唱K,我覺得自己唱得唔好,開頭未開聲就唱得唔好,但後來開左聲好d!!!

我地唱到三點幾係時候點"生日歌"同埋送禮物比弟媳,弟媳話好感動喎,嘻```

我唱唱下Laydia,Flay Away,我們的愛既時候,比媽子,細佬同埋阿公搞搞震,又好笑又好嬲,人地諗住正正經經唱架麻,搞到我係咁笑入曬咪,哈哈~~

唱到四點幾Cut歌,諗住同媽子唱多幾首歌都唔得>0<"我地果時都未走,仲係度玩緊,又影相又睇戲,呵~~

五點幾走左lu....之後我地去左行街街,最唔鐘意老豆成日打黎嗌我返屋企,想出夜d都唔得,於是決定唔聽佢電話,點知佢打左十幾廿次黎,我都知道佢擔心我,但都唔洗咁架麻=.="

我地去左食麵,食完吹水,之後搭巴士返屋企,9點幾返到屋企...