今朝訓到9點幾比姑姐和表哥嘈醒左,算啦....

之後繼續訓,點知訓唔著,唉=0="

下午食完飯同細佬去買書,好煩,唔想同他去....

 整個大埔都比我行"雲"曬,仲有9本未買齊~~

返到home他好煩呀,唔想他係度=.="

5點幾姑姐,表哥,細佬和我去左行街,點知間機鋪執左,仲諗住去打鼓添~~

周圍行,見到好多靚衫,一件都要幾百蚊,好貴囉~~

姑纖今晚要走啦,真係好唔捨得喔~~

好想去深圳東門買野同埋去姑姐home住喔....

從殘酷既現實走出黎....

琴日好多客呀．．．．

唔記得左拎筆去，之後係公司拎左枝鉛筆落單，點知比阿輝見到

ｄ同事好幫得我手，擔心我拎唔到，又幫我拎ｄ∼∼

其實人地做到既野，我都會做到，唔想比人睇死囉．．．

做做下野比姑姐,表哥和細佬見到,當場嚇親我呀，原來她們來看我工作，我都係做到一陣先睇到∼∼

返到ｈｏｍｅ同姑姐和爸爸傾計，食完消夜就訓覺啦∼∼

好眼訓呀＝﹏＝”

今朝訓到十二點鐘,比媽咪嘈醒叫我食飯~

原來我訓左咁耐架啦,真係好想要訓過囉....

起身食飯,睇"十月初五的月光"好睇喔~

係ｈｏｍｅ都咁熱,熱死我啦，之後係度執ｈｏｍｅ∼

發覺有好多唔要既野，自己一個人拎曬去出面．．．．

４點半細佬，爸爸和我一齊飛的去　院探爺爺，爺爺就黎支持唔住啦∼∼

一諗起呢到我就想喊架啦，真係想”從來沒有長大過”呀∼∼

近排有好多野發生，咩都唔想理重要嗎？？

我知道爸爸好辛苦，決心要賺錢養爸爸，幫他分擔一下，唔洗他咁辛苦∼

無論幾辛苦都要支持落去．．．加油．．．你地會支持我嗎？？

記得爸爸同我講過“你知道嗎？供你地讀書係最辛苦的！！無論結果係點，一定要讀落去，就算冇錢都會同你問人借，只要你既前途係好的，都會供落去的，當然．．．你返工就最好啦，唔洗我供你，點都好，我唔要你養我，所以一定要你讀落去．．．你明白就最好啦！！”

他真是好錫我同細佬的，將來一定要報答他，令他不要掛心．．．

Ｋｅｎｎｙ出左碟啦，下個月出糧即刻買！！“先知”ＭＶ女主角係阿莎，好正喔∼

最大既願望係：只要他開心我就開心同埋介煙，咁樣我就心滿意足啦！！