今日總算同老婆豬見晒我家長la~XD老婆豬話好似我屋企人對佢印象唔錯~其實點會差丫~老婆豬咁靚又咁好~ ^^~ 老婆豬話今年暑假打算做1個月野~我就打算陪老婆豬過埋暑假就正式出去做野lu~果陣可能冇咩時間陪老婆豬la...要好好就下時間先得...
阿仔黎左我度之後~發現仔同佢媽媽一樣...為食+八厭(我相信我咁講會比人打)~(汗)成日亂咬野... 今日老婆豬又黎左我屋企la~好開心呀~雖然我有少少嬲...因為我病左~叫左老婆豬呢幾日唔好過黎...驚傳染佢...不過點都好la~老婆豬黎左果陣嚇左我一跳~佢仲係我後面打左我個頭一下~ = ="(點解唔係後面攬住我呢...真係...)其實老婆豬黎呢2日都有d唔好意思~冇咩錢~送唔到佢返屋企~希望快d有返d錢就可以陪老婆豬多d la~
呢排同老婆豬吵完之後阿仔黎左我度住~ = = 阿仔幾好玩~我仲搞到佢成日咬我~ XD 我同班同學一齊玩魔獸世界~跟本追唔到lv~因為要陪住老婆豬玩~所以各自升la~點都好~都係老婆豬緊要d~玩少d都冇所謂la~ 最近又成日想唱k~都唔知搞咩~最死就係~呢排大洗左~拿左錢唔夠2日就冇晒~仲想買衫tim...都唔知點死...其實有時同老婆豬吵...真係好傷心嫁...希望唔好再吵la...我真係好累la...唔想再見到老婆豬唔開心...
就黎要補課la~真係頂癮~不過我要返ivy~補咩都唔關我事~除非補下午~ = = 琴日去左等老婆豬放補習~點知我去到都仲未放得~咁我就去左寵物店行下la~順手睇下有咩野遲d買比隻仔~但行行下~我又有d想自己養寵tim~ =o=杏色龍貓都唔錯~但好貴~ = =最想養既係貓~但仲貴d~ = ="""但我有老婆豬呢隻喵都夠la~ ^///^話返轉頭~睇黎我想養寵都係養倉鼠好d~夠平~ - -"" 睇黎好多人都想我轉去sunday上台~ = =老婆豬又想~阿樺又叫我同佢2個人轉台~平D~ = =但我同CSL張約都未夠期~點轉~ = =?睇黎我都要自己另開張卡~自己出錢~ = ="
同老婆豬一齊既日子都唔算短la~雖然久唔久都會鬧下交~但每一次鬧完都會恩愛過未鬧之前~希望唔好再同老婆豬鬧交la~恩恩愛愛咁一齊就好la~ ^^
咁耐以黎真係第一次咁僧打風既日子~ = =本來今日我同我班fd打算去bbq~仲打算叫埋老婆豬出去一齊~3號風球都照燒~但落雨~ =.=老婆豬岩岩仲病緊~落雨緊係唔想佢出la~咁我同我理fd去左唱k~咁就變左唔叫我老婆豬la~ /.\不過~冇選擇錯~因為成日比雨淋~上到k房又忽冷忽熱~仲好大煙味~ =.=今日算玩得比平常癲左d~如果我老婆豬去我可能唔會玩得咁癲~唔係因為唔開心~係因為老婆豬一向輪盡~有可能玩得癲過我~所以我要冷靜d照顧佢~但今日成日冇理過我老婆豬呀...雖然好少情況會咁~但老婆豬好似嬲嬲~ =.=希望老婆豬明白我唔叫佢既苦心la~佢如果冇病我去邊都一定叫埋佢呀~ 老婆豬病左幾日la~擔心死我~ /.\我真係想代老婆豬病~至少我佢冇咁辛苦~ /.\ 今日奇奇怪怪咁諗到...如果我有一日忽然...倒下...再起唔番身...會點...
中秋節一早陪老婆豬出左去陪fd唱k~咪住~唔應該叫唱k~應該叫陪坐~XD去到唔冇咩心情唱k~係度陪老婆豬坐下算~跟住老婆豬話累~唱完要番屋企~又有fd去佢屋企度~咁我只好自己找節目la~ /.\唱完k la~比老婆豬掉低左之後就入左元朗找fd打機~玩到11點幾就坐車出番旺角再唱k~呢場先係正場~本來唱k好開心既~點知我班fd比老婆豬個fd搞到有d興興地放低錢就走左la~雖然我都有少少覺得難頂~但算la~陪老婆豬緊要d~果陣又了解到左右做人難係咩feel~ = =雖然唔係第1次試呢d野...過左一陣老婆豬怪怪地...對住我同對fd既語氣好似對住2種人咁~搞到我有d嬲嬲...但係老婆豬咁樣~真係唔知點算好~唱到後面~佢累累~係我度訓著左~ ^^"唱完k老婆豬累累~就送佢番屋企la~雖然我都累~ =.=就係咁~同老婆豬既第一個中秋就係係咁複雜既心情之下過左la~XD
今日我學校見報(蘋果)...跟住學校又唔放人出去食飯...搞到老婆豬打唔到比我...跟住放學打比老婆豬...聽佢話佢以為我比人收左電話...成個人呆左...仲差d比車撞到...好在佢個fd係度...跟住老婆豬唔知做乜成日係度喊...搞到我個心鬼死咁痛... =3=不過如果老婆豬真係有事我都唔知點算...唉~有時真係情願我有事都唔想老婆豬有事...佢冇事我咩都得呀...
人的相遇真係好奇妙...今日居然係RO撞番3年前識既fd...本來諗住永遠都冇機會見返佢...點知...佢同我一樣第4次番RO玩...我同佢都好開心...一番到冇耐就見番老朋友...雖然一開始佢唔記得我係邊個...但同老朋友見番既感覺真係好好...前半年我撞番YAN姐~後半年撞番熊熊~我係RO識既都差唔多撞番晒la...真係好開心...但RO已經唔係當年既RO la...
呢2日都好累~但都幾好笑~琴日去完老婆豬屋企~老婆豬就餵隻倉鼠飲豆漿~飲左2日~隻仔見到老婆豬隻手就以為有豆漿飲~每次飲到隻手冇晒豆漿就咬咬~ = = 今日總算為左老婆豬而番RO玩la...之前番RO真係唔知為乜...朋友都唔係度...女友都唔係我嫁la...跟住玩左一排識左老婆豬~仲同佢係埋一齊tim~講真~真係好開心~跟住老婆豬個倉開唔到~唔玩~我就跟住唔玩~到前2日我幫老婆豬搞掂個倉~佢就想玩番~咁我緊係陪佢嫁la~咁今次就真係為左鐘意既人而番RO la~上2次番RO既心情真係...算~唔講la~而家陪到老婆豬先係最重要~ ^^
