突然間諗起以前發左一個好恐怖既夢
但係 竟然呢個夢 真係發生左係現實生活中
諗起都覺得恐怖 估吾到真係親身經歷
呢個世界真係咩都有可能發生
當自己睇錯人 當多左個經歷 令自己以後更加剛強
重要既係 無論發生咩事 捉緊神 佢永遠都吾會走左去 唯有神對我係冇保留咁愛護
有陣時 成日以為自己一定好軟弱 面對吾到好多事
但係其實 當真係發生既時候 都吾係咁恐怖 因為神比得我去面對 總會係我承受得到
當係傷痛既時候 總會最清楚知道 咩人先係真正對自己好
而我好感謝神 因為原來真正錫我既人有好多
其實真係好感動 因為感動同埋慚愧既眼淚 多過傷痛既眼淚 代表我係嬴左
我知道將來我一定會好感恩有呢個經歷 因為我真係學識左好多野 亦都睇清楚好多野
我係神既女兒 我吾比任何人差 因為每個人都係獨特
係神面前我會謙卑 但係我吾會自卑 我吾會比人睇死 我細個吾想比呀爸睇死 我大個都吾想比任何人睇死
今日我比人咁樣對待 吾係我有問題 我投入我認真我付出我懷念 係因為我真係有做好自己呢個角色
只係 佢吾係果個對的人 只係 一個大錯特錯既人無啦啦出現左係我生命中
我而家要做既就係努力去愛神愛家人愛朋友同埋愛自己
當我知道咩野係愛 當我知道咩人值得我愛 我就會將我所有既愛去比果個對的人
到左果陣望番而家既事 只會覺得 呢個係幫助我成長既過程
只要目光放遠d 就會覺得 吾算得係d咩野 把刀再利 都隊吾死我!!
好耐都冇講過我以前好中意講既一句說話!! "船到橋頭自然直"
呢個順其自然既人先係我
