好耐冇打日記啦. 其實呢個月過得好開心啦... 但又想做2007年大事回顧....
以下落黎冇分次序, 諗起邊樣就邊樣.....
工作篇:
- 8月中離開DC, 做左2年半, 唔捨得程先生... 但其實過左幾個月後又冇乜太大感覺...不過向呢到學到好多野
- 11月初離開RMS, 做左2個多月, 份工完全冇野學, 冇目標, 成為我離開舊公司的踏腳石, 但我認識了一班我好愛既同事. Joe Joe & Sharon, Francis, 丁丁, Maggie, Cally, Rachel, Sabine, 呢到既人情味最厚
- 現職... 唔想打公司名.. , 做左2個幾月, 最多野學, 公司管理同efficiency最好...但人情味超淡... 不過我有個super女上司, (幸好係樂於助人型), 有一個好鍾意同我玩既hr, (不過佢教左我好多道理).. 其餘o個d, 不屑一提....
感情篇:
- 呢一年係我地拍拖以來最唔穩定既一年... 但自從過左8月之後, 我覺得大家都成長多左, 我仍然記得我生日既時候你給我的promise (不過唔知你仲記唔記得呢？)
- 明年第7年啦... 哈哈... 希望你唔會周身痕 =p
家庭篇:
- 今年抽多左好多時間同屋企人一齊, (無論係老豆老媽子, 表哥表妹們, 姨舅媽等...)家庭聚會超多... 成日都一齊食晚飯.. 各式各樣的名義 (或興起等), 感覺上很親密.
- 家姐考AL, 加油; 俏護士實習等等...(直到現在都讓我疑患疑真)
- 舅父母都轉行, 但以極速既時間考取牌照, 好厲害啊
- 希桐一天一天長大, 每次見佢都係尖笑
朋友篇:
- 同Cora終於約得成, 今年仲見到2次..哈哈
- 今年同小風見面多左
- 識到RMS同事.
- 有番d大學同學既消息, 希望有機會keep番密
- 模友聚會 - 下半年keep到一個月見一次... (今個月兩次添). 明年又有模友結婚..恭喜恭喜
- 公會Richard向Tina求婚.. Richard搞緊綠卡... 好感動呀. 但本月Aaron離開公會....
- 阿德阿澤結婚, 因此見番d舊同學
- 其餘o個d.. 我都冇keep聯絡了.. 人大了, 果然開始hea了.. 我有潛質做宅女, 我喜歡留在家休息
聖樂團篇:
- 今年全年休假中
- 平安夜一齊向中環報佳音, 由9:30唱到12點幾, 每round45分鐘, 唱左3 round, 企足咁耐, 每round之間只有5分鐘break, 但大家一齊報佳音好開心, 心裡很溫暖. (同埋我地係唱四部呀!!) schedule本來冇安排唱到hallelujah, 但最後決定唱, 效果氣氛非常好, 讓途人在平安夜聆聽詩詩帶來的平安。現在我對d聖誕歌既和音非常熟悉..因為成晚不停咁唱
- 聽左陳先生兩次獨唱, 真係進步神速... (仲去過一次聽陳先生上堂)
- 決定明年復出啦, 不過我仲比以前退步... (以前已經唔見得好)
教會篇:
7月份廣西短宣: 一手一腳完全自己黎, 但旅途過程很開心, 讓大家都了解自己多d, 同埋我地真係可以做到架. 但o個陣自己面對緊d感情問題, 所以情緒忽高忽低, 同埋5天行程我輕左大約8磅..但又.... 唉...
第一樣就係諗到短宣, 之後o個d就需要d時間慢慢打....眼訓啦..明天...仲要準備... 哈哈.
|
