我真係十萬個多謝我3個姊妹們為我祈禱, 你地信心既禱告, 撇開天氣報告說每天都會下雨, 堅信天夨給我好天氣, 讓這小信的我每一天都好平安啊！ 

對上一次我地去旅行係2年前去新加坡... 仲要係因為聖樂交流先至順便去玩...我地第一次自遊行呢...還有兩個重要的任務， 一個是幫同事大量入購鳥結糖, 另一個就是去探姑姐, 順便將姑姐要我帶比老豆既野運送番HK. 換句說話...我係DONKEY....

早上8點幾就到機場啦, 到機場先辦簽証, 等候期間去左burger king食早餐。

上飛機啦，腦海中仍浮現陳瀚瀚同事既說話「華航機失事率好高架」, 跟住就諗起我份保險應該cover架.. @_@.. 想起很多悲哀的事情。幸好雖然飛機殘舊但最終順利到達, 但今次耳仔好痛呀！ Landin既時候, 我望住地下...點解向塊草地到landing既？發生乜野事呀？幸好最終都見到跑道了。

兌換台幣後就搭車啦, 哈。上網做功課係好緊要架...會使你大部份事情順利 =)

我地先去淡水, 食食食食食~ 因為食完個難食飛機餐之後我地就冇食過野啦。大腸包小腸, 阿給, 魚丸, 魷魚, 魚酥, 擔仔麵, 雪糕, 炸雪糕, 蝦卷, 難飲既酸梅湯, etc.... 哈哈！不過我地行左好多路 =p 台灣好多地方都好有特式呀, 好靚既校園同教堂...如果我向到讀書, 都唔會特別有心機, 因為唔鍾意讀書嘛 =) 跟住我地逛左一大段路, 就去左漁人碼頭。

在漁人碼頭從黃昏靜待黑暗既來臨, 情人橋的燈飾逐漸發亮, 好sweet啊。不過勁多香港人, 所以我地大家幫大家影相。

台灣天氣好涼呀, 儘管28度, 都係好大風呀... 笨蛋唔記得帶jacket, 結果我地坐番捷運到士林, 再食過野 & 行夜市。

其實都唔係好肚痛, 不過都係咁搵野食。d煎飽飽好好食呀..我未食過d咁好味既煎飽。

跟住就訓覺啦... 但係我認床...訓唔到... 早之我都啪粒藥訓啦.....

<續>