由於昨日6點就起床, 夜晚12點幾先訓, 於是今日12點先起身... 正！

去左良記食紅燒牛肉麵, 好味呀！跟住去動物園...開頭覺得自己好低能, 因為見小朋友多過見大人, 但我真係好多動物都未見過, 所以覺得好開心呀。幸好原來d大人都係山上面參觀緊。yea...

我去探我既朋友 - 樹熊. 佢地好可愛呀！愛死你地啦... 我都希望成為一棵樹比你地抱抱。仲有可愛既長頸鹿 =) 金剛猩猩. 哈哈!我都好好似佢咁嘆。仲有好多動物啦... 但冇心機打啦..反正都同佢地影哂相。

-貓空纜車

本來要同d陌生人一齊坐會覺得好悶, 但後來同左一家人坐, 有一個好可愛既6歲小朋友, 佢活潑好動, 帶比我地好多歡樂。貓空纜車比昂平纜車遲開, 開放初期都係有問題, 但係人地好快fix駛d問題。但香港那個仲係咁死... 真係離譜...

晚上就同姑姐姑丈們一齊食晚飯, 那間餐廳有2x年歷史，NT340就可以吃一大頓牛扒餐 (都有好多蔬菜, 健康!) 加任食前菜 - salad bar. d配菜好好食架, 仲有湯&生蠔等等.. 一定會回本的。

 呀. 呢張相冇三姑丈既？

我好多謝三姑丈呀, 令我呢個旅程旅費大增。其實我都冇乜錢駛, 佢真係太熱情啦。

有血緣關係既人, 儘管有地域阻隔, 見面時我仍體會親情, 熱情和人情味。

飯後原本諗住去唱k, 但由於星期五太多人啦, 所以我地去西門町逛逛就回家了。