對新加坡的General Feel
期待半年的旅程終於開始了，簡直係我心咁興奮啦！
雖然少了一天半的行程，我依然玩得愉快！整個人完全relax下來 ^.^
-cab(即是taxi)成為我們代步的工具，整個旅程用得最多的是車程費用。
-新加坡既消費真係好貴，幸好都冇乜好買，因為佢地既shopping mall與香港的times square或旺中係冇分別，但價錢貴好多bor，點買得落手呢？
-這是一個語言夾雜的城市，與一個人對話，可夾雜廣東話、國語及英文，如果藉貫相同，大可把你的家鄉話拿出來。但這感覺蠻親切呢！
-"Singlish"+"Chinlish"的關係，哈哈，來這裡幾天，我已懂得說Singlish，好像在扮外傭說話
-新加坡女孩子衣著超露，真的很誇張，陳先生笑說他沒有帶眼鏡是明智既決定，因為他唔想睇，但不夠10分鐘他跟aaron說要在新加坡定居... 可惡！你想也別想 
-其實新加坡一點也不可愛，加分的話完全是因為aaron&他的哥哥在這裡，所以加一點人情味分。但轉角度想想，其實是生活在香港太幸福吧，什麼都很方便。生活方面差不多要什麼有什麼、不用當兵、生活指數較低、(暫)仍不用銷售稅、 感恩吧！
************************************************************************************************
旅程.第 1 天 30-Sept-06
帶著輕鬆的心情，拖著旅行箱乘搭地鐵。我喜歡乘搭機鐵，想起一年多前一個人揹著行理走到四川。
很快找到michelle，check-in後到機場內的burger king吃早餐，原來呢一間係香港唯一既burger king，所以她一定要吃噢。我地傾左好多野，特別講到可以放低工作上既忙碌，是一件超爽的舉動。又講起以前我地一齊工作既一d野。也許日子隨著時間的過去，我心裡的傷痕好了很多。開始懂得學習感恩，我有過往那些經歷。盡管痛苦，我要學習 live with unhappiness.
Singapore Airline真是一家服務水準一流的公司。招呼、膳食、休息、娛樂一應俱全。我地玩左好耐冇玩既hangman 同埋 Dr. Mario! 很經典的遊戲。今次航線是繞香港一圈然後飛往新加坡，憑著海岸線及地勢michelle已認得很多地方 ^.^
在機場好快就check-out啦，之後乘的士到達目表演會場，但隔了差不多半小時才發現去錯地方，(有兩個同名會堂).... 幸好那家教會有一位弟兄駕車載我們回去。很感謝他。
那是一家大會堂，很冠冕堂皇，但我覺得這裡的氣氛使我心裡感到冰冷，不是說他們不投入，但我就是沒有那種火熱的感覺。今晚整體表現不太理想，不過不緊要吧，我地都已盡力了。
晚上去一處吃夜宵的地方，嘻，影左好多怪相 :p 其實d食物種類跟香港差不多，但口味不同。整體來說都很新鮮！
到最後回hotel時才check in。但這裡... 頗殘舊..... 要有一點忍耐。
***********************************************************************************************
旅程.第 2 天 1-Oct-06
今早簡直唔想落床，因為太累啦. Michelle個電話響聲響左成個鐘都聽唔到 >.< 起床後食自助餐，都係...麻麻地. 不過冇所謂啦，快點吃完就準備今早崇拜既獻唱，今早好過昨晚的獻唱呢！但..臨出場前我肚痛呀..>.< 都話左唔好食粥啦，痛死了.. 幸好都好快冇事。那個禮拜堂都好大，而且很多不同年齡既弟兄姊妹都唔怕，走出來用歌聲事奉神。d小朋友好得意架！
唔.. 之後約左aaron出來，嘻嘻，咁高大既.... 佢仲叫埋佢阿哥出黎，佢地兩兄弟都唔知點解咁多野講... 都唔停口既.. 但係就認識左多d新加坡人既文化、現時經濟環境、娛樂八卦、打機的...什麼話題都有. aaron好大食...佢可以食50碟sushi... 嚇怕人...但睇落好似瘦過陳生... 原來秘訣就係飲綠茶! (後註: 陳先生番到黎香港不停咁話要買綠茶) 之後佢帶我地去行街，其實跟香港的旺中或times冇乜分別，但係d野仲貴d播..真係買唔落手....行左一陣，我地就去左佢屋企，哇！雖然只係單位, 但係屋企都好大呀，佢間房有29吋電視... 我地仲玩左陣gw, 同埋帶番freedy既gw碟番香港. 過左陣就去左一處食沙嗲串燒..每到黃昏時間就會封了整條街，讓串燒檔在這裡擺賣食物.
d串燒同奶茶超正！俾十個叻呀！之前向澳門試「咖啡明」既奶茶已經覺得好好味. 但呢到d即整既拉茶..哇，o個種香滑邊度都俾唔上！嘻嘻. 好豐富呀！之後再逛左陣就番酒店休息了。好多謝你地既招待呀！(實在很不好意思，因為今天行程佢地俾哂錢....)..
***********************************************************************************************
2-Oct-06
今早去探團友grace的家... 呢間係六星級的家. 所有野都很有品味、高雅的樣子.扮完有錢人後就去酒店食lunch buffet. 嘻嘻，之後就到重頭戲去民丹島到玩啦！
3-Oct-06 - 4-Oct-06
resort好靚呀... 終於明白乜野叫渡假聖地，會令你忘記一切繁瑣事情. 仲有..學識個term叫「椰林樹影」
出左民丹島市集觀光. 由於呢到係印尼地方，始終有機會有排華活動，於是向resort到搵左2個tour guide. 好似body guard咁帶我地周圍去。
很坦白說, 真係唔想番新加坡及番黎香港呀。哈哈.
夜晚番左新加坡. 去左一處叫「小印度」既地方. 好得意. 勁多民族飾物、物品等. 好特別呀!!
************************************************************************************************
5-Oct-06
終於都試到乜野叫肉骨茶. 嘻嘻, 新加坡超出名的. 特首去到這店，時間唔岩，都要食閉門"跟" (..唔識寫添) then.. 去新加坡神學院聽一場獻詩崇拜. 哇，d auto好正呀！位置都可以咁高.. 真係要多多學習. 整體都好好.
去china town買d手信就回來了. 呢幾日同cherry, simon佢地一齊玩好開心，雖然佢地咁大個人都好似小朋友咁... 很開心的團契生活 (佢地都係同一個團契), 一齊玩, 分享, 支持. 坦白說在自己團契中也甚少有這種體會. 希望大家都open d, 可以開心d啦！
aaron有黎送我地機，佢專登走堂...嗚..好感動呀. 我地去左coffee shop傾計. 又一齊影相. 臨走真係唔捨得呀.... 真係想喊. 陳先生也不捨得呢.佢送左對duckie俾我地,我地會keep好架啦!
***********************************************************************************************
行程終於結束了. charge夠電了. 旅行所有目的都達到了. yea. 番到香港都要加油呀
|
