雖然沈悶,,但....

總有你...

今日...好早起身,,好眼瞓...不過為左行街...冇辦法啦...

好早起身搭車去...去到kf見到清同某人搭地鐵..哈哈...我終於明魷魚講咩喇...

好彩我冇著到好似果日咁姐...哈哈哈哈.....

咁之後佢地搭一個站就轉車...say goodbye完之後我又繼續望風景.....＝＝"

轉左幾次車...終於到喇...！！^^

之後第一時間緊係上姨姨屋企啦....哈哈...

見到昌仔（哥哥...）同晉仔（細佬..）...

昌仔好令仔牙,,又可愛喎...不過成日偷望我...（我又諗錯隔離添...哈哈..＝＝"）

怪怪地....哈哈..^_^"

晉仔...我本身以為佢好cool添...原來...係外冷內熱....

真係估佢唔到....哈哈..

佢係果d嘈生哂既人...姨姨講我先知...因為我同晉仔都唔係好熟架咋...

所以唔係咁了解佢地...

晉仔眼大大、面尖尖...好cute架...唔記得同佢地影相相添...

唔緊要...下個月再搵佢地出黎玩...

之後就去左飲茶啦...飲左好耐...好飽飽牙...^３^"

接住落黎,,就係我等左好耐既shopping時間...不過冇咩野岩...so...

都冇咩點買野...

食完野行多陣,,就番屋企lu....

搭左成個鐘...７點幾先番到屋企....阿妹冇飯食...哈哈...抵佢死..唔去街丫拿...

哈哈..（夠唔夠狠毒呢..？kaka...＝＝"）

番到黎都係沖涼,,睇電視...冇胃口食飯....因為下奏食果d都未落格...

哈哈......

如只能當作一場遊戲...我希望從沒當過敗者...

失敗...真的是個大傷口...

更懇請你別在我的傷口灑鹽....))

呢幾日懶得濟,,唔想打日記添...

假期係攞黎嘆家嘛...哈哈...^^不過一嘆就散...

冇哂心機..

唔緊要...依家promise番日日打...因為呢兩日都出街...攰死...＞＜"

（呢d叫自作自受...哈哈...＝＝"）

尋日魷魚好搞野...成1點幾先同我講話出mk...

我果時都係係電腦隔離hea緊...（因為岩岩作完果篇練筆..500幾字...破天荒的力作...－－"）

咁佢話想買袋啦、鞋啦...果d野...仲有果d去camp既東西....

本來想作埋下篇既....都係算...

都仲有時間...之後佢問左好耐,我先應承陪佢出去...

哈哈...

跟住上到車...嘉恩打俾魷魚...叫魷魚陪佢行陣葵芳...橫掂順路....就唔緊要啦..

不過出到mk就會好晏囉...

咁一邊行啦...嘉恩一邊係度偷襲人喎...好恐怖...＞３＜"

---------------------------------------------------------

行左半個鐘多d...就搭車出mk,,到果時,都好似成4點喇...

我以為魷魚真係會行街添...

佢又要趕番去學野喎...搵日唔使咁趕先慢慢行啦...－－"

之後陪佢搵去camp果d野...

地鐵站出口一出到去就係果間野喇...點知我地行到去太子再番番去先知...－－"

兩個方向白痴企埋一齊真係.....

咁之後再搵多陣啦...今次好左小小...唔使咁樣兜黎兜去..行到腳酸..

又搵到另外一間喇...

魷魚d記憶力番番黎喇...！！！

魷魚成日話d人望我...望你姐...係咪牙...？哈哈...

個派傳單既令仔...職責係派傳單...唔係隨街目及女...唔好成日諗埋d咁既野啦..

哈哈....

身體...崩潰了....心...已很疲憊...

今朝７點幾就起身喇...都未瞓醒...＝＝"

不過算啦...為左細佬...

mami一早入黎叫我落床...我就一邊係度hea....

哈哈...懶得濟...

跟住最尾都係起左身梳洗...

因為我太多慢動作既關係...所以已經離預定要番到學校既時間唔係好遠....

但係呢個時候我入左房嘆冷氣...－－"

mami入黎見到我咁舒服..佢就係出面趕著衫...嬲嬲牙...＞３＜"

佢掉低左我自己出門口先...佢話咩,,〝你自己番學校啦!〞咁.....我識去細佬間學校既...

所以唔緊要....

咁我又hea下hea下咁行去啦....

果時唔知點解我諗住間學校...係我果間...完全醒唔起係細佬既表演....

so..我好傻咁行左去石籬個社區會堂...

之後打番俾mami佢又冇開機喎...咁打番屋企問亞妹啦....

佢今次好醒//識得睇番細佬張通告...

點知...同我諗既一樣...

佢地真係番左幼稚園集合先....－－"

跟住我又行番番去,,由於本人冇帶遮既關係....所以到既時候已經濕哂....

之後mami先打俾我...叫我入去...

你覆得我太遲喇...＞＜"

入到去睇到d小朋友化哂妝....好得意牙...!!

之後擾攘完一輪之後,終於搭得車向目的地出發喇...

一邊搭車一邊同個高班既男仔傾計...

佢個樣好得意...講d野都幾成熟...我睇唔出牙竟然...－－"

到左之後就入會堂後台幫佢地補妝...

等左一個鐘到...d小朋友可以出去睇綵排....

睇完之後又入番後台....（好無聊既安排...）

d小朋友入番去之後好嘈...

d家長要整頓秩序..係度嗌到拆天....頂....耳仔都俾佢地整聾...

之後個好百厭既女仔黎搵我玩...

初頭都ok既...係咁扯住我...要我拖起佢....

冇咩既其實...

之後玩左好耐...我邊夠力牙...成日差d跌咁濟...

我就跌果時佢都唔驚...真係勇氣可加...

咁跟住之後同佢玩左好耐...隻手俾佢扯到紅哂...我話左佢知...

but....佢仍然想繼續...

如果我話唔玩...咁好衰家嘛..所以我又繼續陪佢玩...

個老師救左我一命...佢同d小朋友講就出去表演喎...咁我就當成一個藉口同個女仔講我唔玩...

叫佢排隊....但係....

過左一陣....佢又黎搵我.....俾佢搞左好耐之後（呢個好耐之後,,真係好耐之後...）...

終於真係要出去喇...俾佢玩死...＝＝"

mami叫我出去影相相....哈哈...搵左好耐先俾我搵到個好位...

影左...都幾多相....

有好多都唔係影得幾好....

唔緊要啦...影到樣就得啦....哈哈....

之後放學果時同mami去M記買野番屋企食...餓死我喇....

番到屋企....

就係侏羅紀恐龍出動既時間喇...

所有包啦、薯條啦、汽水啦....無一倖免....全軍覆沒牙...哈哈

跟住同亞妹係度喪玩...哈哈...

笑到死左...

之後就瞓覺lu....真係好眼瞓.....一邊瞓一邊聽歌...

瞓瞓下...醒左再唱下歌....又瞓...

就係咁...重複左呢幾個step大約３次....

哈哈....