2007 年 4 月 21 日  星期六  

今日放左學同肥巧去左飲酒....

買左兩細樽白蘭地...雖然唔係飲左好多...

但係兩細樽,已經足夠令我地兩個飲醉...唔知點解好想醉...

小阮話:你嘅眼神好飄忽,令我日日都唔知你諗咩...

人係冇一日真係冇野諗...無論點逃避嘅野,都冇可能唔會諗...

我係一個鍾意逃避嘅人,但係有好多野我係逃避唔到...

事實係點我好清楚,但係我真係唔想面對咁殘酷嘅事實...

"情願一直睡著...不再醒來..."喺我心中埋藏左好多野....

其他人問我嘅野...我都答唔到...唔知自己想點...

無論番學,喺屋企,番工...我都只係想一直咁訓教...

唔想比人知道我諗咩...怕比人知道真正嘅我,我會喊...

一直都埋藏自己,到底幾時先可以真正講出我嘅心事...

2007 年 4 月 18 日  星期三  

今日一起身個鼻又痛啦...番到學校又流鼻水...

唉...放學又番工...今日得我同阿珍番夜,為左可以早d番屋企...

我同佢好早就洗野啦...陪阿珍收closing...唉...

好頭痛!!!咁啱今日阿珍肚痛,之後到我頭痛...又會咁啱ge...

今日某人喺我上堂嗰陣打黎...冇聽到...^o^

做咩會無啦啦打比我架...算啦...橫掂都冇咩野傾到....

唔知點解同你喺電話冇咩野傾...好頭痛呀...唔鬼打啦...

2007 年 4 月 17 日  星期二  

今日調左位,勁忟

死老趙,掉埋d咁嘅位比我,黑板都睇唔到....

上咩堂呀...真係咁多人死都唔見死...

好快就放左學lu...上左阿芝屋企...

差d比巧巧同理阿芝強姦...玩左陣就番屋企...

番左屋企冇幾耐,又打機啦...

哇!!雪雪終於on啦...好掛住你呀...>3<

玩左陣勁舞...同某人交換左電話...

又傾左好多野~算啦,懶得打.................