|
P.S.:去長州係有影相ge,不過吾見左條USB線,遲d放返上黎...!
琴日返左坪州,之後呀媽話今日去長州開檔,叫我同呀哥去果度玩下,我吹下水咁話:[去長州做咩~?去探張保仔咩~?]點知...就係咁就開始左[被呀媽騙的開始]...
今朝7點就起身喇,搭7點7,搭左成個中頭船有多先去到長州....老媽又話10個字....多左2個幾字呀!搭到我傻!!><" -- *媽的第1個大話
去到之後,就去左個個黎到長州都會黎食ge[豬紅粥],但係因為近海邊ge關係..好Q凍.... 食完就去搵媽,之後行返去碼頭,見到有架船仔,有個呀婆行上黎,
媽問佢:[架船係咪去張保仔架?]
個呀婆話:[係呀~?上吾上船?快D喇~!]
我同媽講:[岩岩食完野,下一班得吾得呀?]
由於呀媽好似好急ge樣,呀媽又要返去睇檔,
SO媽話:[快D上船啦!呀婆要划船架!] 我聽到咁,唯有上船啦... -- *媽的第2個大話
上左船之後,個呀婆係收$架,有個呀伯開船,係用摩打架!我睇到真係傻左....老媽ge想像力真係好,呀婆划船!?你估係你個年代咩?真係吾知笑吾笑好~ 架船一路開,俾我同呀哥發現左,原來,張保仔ge地點係可以咁解釋 : 張保仔洞 @ 西灣 @ 長州 , 就是說,原來西灣只不過係長州的西邊....= =""
落船時,有個呀婆叫呀哥上岸先,原來,佢係想我呀哥扶佢上黎...o...哈哈!! 呀哥笑我上船果陣要果個呀婆扶,你而家夠要扶人地啦~何況真係吾好笑...因為個呀婆遞左隻手出黎要扶我上船,咁我冇理由推開佢之後話[吾使扶]咩!....
之後呀哥扶果個呀婆同我地傾左2句,就坐左係個亭度,因為落船果度有個叫[欣雨亭]ge涼亭(有相)。 我同哥就行住果條幾長下ge路出發,首先,去左果條路ge尾 -- 分"差"路 睇牌, 繼而我地就行上山,冇人行....呀哥係度話不如吾好行....哥,你吾好驚青住好冇!? 一路行真係冇人lo....
行到一半左右,有個勁大ge吾知叫吾叫亭ge野(有相),走左上去睇下,之後就繼續行lu。 一路行一路行同埋一路行,終於俾我搵到果個張保仔洞喇.... 個洞外面d大石,俾人寫哂野,都吾明點解d人咁無聊....又冇公德心*! 之後搵到個洞喇(有相),但係洞外寫個*洞好黑,要有電筒*,冇計啦...冇電筒,算數。
行返返去,俾我見到有個牌大大隻寫住[張保仔洞](有相).原來果個牌就係 @ 果個吾知叫吾叫亭ge野果度....y我岩岩見吾到...!?仲要有中、英、日文對照...真[卡哇兒]!
返返岩岩 分"差"路果度,我地去左另一條大斜路度行,一路上都係house,d人日日咁行上黎咪想死...= =" 行到頂,都仲係有人住,有個嬸嬸曬緊d蝦,我好奇望一望,佢居然同我講:[買蝦膏買蝦乾丫~]我笑笑就走lu。之後行行下又變左一條山路....
一路行,見到有條燈柱寫住[長州火葬場],so我地咪諗住吾行lo,點知有個男人行緊過黎,哥就問佢:[吾該,請問前面有d咩行ga?] 個男人話:[直上呢就係去山頂,兜個圈就會返返落碼頭,呢條小路就係去海灘ge,你地可以去行下。] so我當然係揀海灘啦!!!
行呀行,見到個海灘喇,右手邊仲有個男人係度釣魚tim,之後落左去海灘度(有相),呀哥勁係度整d寄居蟹,d寄居蟹真係可憐...T^T....講返個海,真係超級的[一望無際],望出去機乎係冇野阻住視線,係我望得好開心ge時侯,突然有架船上漂左出黎,佢捕魚中.... 玩左一大餐後就返去喇。
返去前,我同呀哥玩左個無聊遊戲,就係用一隻手拎一打沙係隻手度,一路行邊個最快跌哂就輸,由於呀哥隻手大過我,佢已經好大堆沙係手,一路行佢仲要拍我隻手,搞到我係咁跌d沙,行行下,佢話:[咁無聊~咁玩喇~!]之後自己扔哂d沙,仲要拍我果d,哈哈!!我就係要渣實拳頭!!哈!!
之後就行返去岩岩果度,我地原本諗住上埋山頂,點知...一黎已經差吾多11點,二黎前面是一埋[別墅]...=="
之後就返返去搭船,等左超奈lo!!終於有船喇!! 返到去長州,我就同呀媽講:[你睇!d沙係我係西灣拎返黎俾你ga!!!] 當然俾呀哥罵我痴線~ 之後我同媽講 : [喂!你混水咩!? 咩呀婆划船呀!? 用摩打開ga!!] so我的媽媽就這樣傻笑了...
之後就係後面果間野食飯lu。 食完之後就去左行長州,好無聊...冇咩好行,之後就去左屈臣氏買左一堆野食。其實一路上,我地都見到d自稱係基督教徒ge人,有一批就以好慢好慢好慢ge速度行哂成個長州,有一批就企係碼頭隔離ge隔離果個空地度曬,果日真係超曬,果3個人仲要企好奈,曬好奈,曬都曬死啦....仲要著黑色褲,真係o咀。(有相有片)
d人見到都係度話 [痴線ga!?咁曬法!] [d人係咪傻ga?] [又話神愛世人?神害世人呀?] 有d串咀d就咁講 [佢地吾驚ga,主會打救佢ga ma!] 當我聽到呢句我都忍吾住笑左出黎,果個人隔離個朋友就自己好大聲咁講左句 [願主打"9"佢]
之後2點幾就返坪州喇。今日就係咁,話就話俾呀媽呃左去長州,不過都ok好玩啦!~
---------------------------------------------------------------------------
多謝光臨*!
[ 編輯日誌 ] [ 分享至FACEBOOK ]
P.S. : 個版裝修完,清哂舊野,開學後可能會好奈先再裝修LU*!
---------------------------------------------------------------------------------------------------------- |
, 今日天氣：
睇完喇 !? 睇吾睇返前一日呀!? 拉落D啦!
