今日系P.E day第一日呀!!原本預計自己會好忙---又要比賽,又要啦啦隊,又要girl guide~不過縱觀成日,除左要成日換衫之外,都ok wow~
由于自己自己好似無曬信心同斗志,而且只左腳好似用得過度,搞到好痛!令我覺得自己今次P.E day會一個牌都拿唔到,不過,今次P.E DAY有好多驚喜=]
整日行程，大致如下：
7:35 本來約左琳琳系吉野家等,一齊去運動場,不過要等埋家姐,所以就去到個陣已經7:45---一上到去,見到一個酷似琳琳o既女仔,仲心諗琳琳今日咁好,等左我10mins,結果開心得濟,就跑左過去拍左佢一野,結果...原來我認錯人,so...鑼死左---唯一慶幸o既系附近無熟人,而且系著女童軍制服...
7:55 終于到達左運動場啦!本來miss sher要我地早D返,練習點樣做儀仗同接待,結果...我遲到。所以無得做儀仗...---不過因禍得福~~open ceremony個陣要企半個鐘,close個陣仲慘,要聽買前任校長講野,應該夾夾埋埋有1.5hours~好彩...
8:20-9:00 open ceremony~5...最有笑點o既應該系見到林億進著住條粉紅色o既褲打鑼,笑死咁濟XDD
9:00-9:40 第一次“變身”---玩啦啦隊,因為我凈系去過一次啦啦隊,而且好少上網睇片,所以凈識一首,不過之前睇下前面個個,之后跟住跳就ok~今年yellow好強!一定要拿啦啦隊冠軍=]
10:00-10:20 跑100m啦!!原本諗住自己可能連semi-final都入唔到,所以放松咁跑...set...我發現我隔離個個偷步,所以佢叫“go”個陣我無跑,得我一個企系起跑線度...個陣o既我無諗太多,只係見到偷步就唔跑,后來諗返,如果個judge見唔到佢偷步點算呢?好險~到我真正跑個陣,其實開頭就帶左出去,中間都有放松咁跑,初賽第一,開心=]
----之后kuri問我點解無跑,我就話比佢知,佢話我個陣一個人企系跑道好寸tim...其實我真系無諗過呢件事o既~
10:50-11:00 系度hea,好似周圍去玩...
11:00-11:30 終于到跳高啦.......其實我都預計過自己會系跳高拿到牌,不過系成績系點就唔知,原本由90cm-115cm都幾輕松,不過有個f.1 o既女仔[高我一個頭]跳過左1.18,而我之前聯系個陣都跳過左,不過都系有壓力......第一次...跳唔過[根據我以往經驗,只要我第一次跳唔過,我第二次就好難跳過,而第二次跳唔過,第三次就一定跳唔過]...果然,我輸左,拿到銀牌
其實我真系好失望,基本上我由四年級玩跳高到而家,次次都系拿銀牌[做二奶],無拿過金牌...次次都差少少,我真系毫唔甘心...
結果我認唔住系更衣室,喊左出黎...好辛苦,好難受---基本上所有負面o既情緒涌曬出黎 [好彩琳琳系我身邊,如果唔系,可能喊得仲慘]
11:50 忽然聽到廣播叫我到司令臺,唔知咩事,過左1min,系更衣室洗面,見到girl guide o既主席,佢話我跑social service o既4X100---我原本無諗過呢次比賽系嚴肅[開始以為只係著住制服慢跑,我太“天真”啦],結果幾個個陣見到喪B同陳兼【girl guide同boy scout派2個人出黎跑】[心諗：wah,出動埋佢地兩個,系未好嚴肅呢?],
之后我選擇跑第一棒,都好好彩,無比負面情緒影響到,應該系頭兩個交棒o既人...之后見到陳兼&喪B起勢咁追,終于---有第二~
12:00 差唔多食lunch個陣,Jessi同jenny問我跑唔跑社o既4X100&4X400,其實4X100系早排就定左我,jenny,琳琳&樂培妹一起跑
至于4X400,我心諗:我跑長跑都ok o既,只要唔系跑最尾,加上jenny,姍同青佢地,應該有牌拿---即使好辛苦,都ok!
12:40-1:10 我/琳琳/秋潔打算一齊去鍋貼大王度食,結果因為太多人就打算買返去食,不過,等左好耐...
1:10-2:30 我地買返去之后,系長凳度食,唔知點解,好無胃口,食左少少就想嘔...結果真系嘔左出黎...好唔舒服!
2:50 100m semi-final,比我好彩咁入到[令我開心o既系,我原來跑到14秒,兼排第二---又係第二=[ ],----- polly排第一,jenny排第三---polly今年好似好強咁...
后來jenny同我一組,起跑到中段其實都系我領先,不過之后無氣,比佢追返,so,以復賽第二進入決賽
3:00 終于到4X400,不過jessi忽然同我講,話我同卓家姐,coey姐姐個fd,同韓卓跑,我就唔明---原來della同jenny佢地跑...取代左我,我個陣真系好唔開心,點解當時唔一早講清楚??所有負面情緒又涌出黎,又喊左---我系未好懦弱呢?又喊...不過真系好唔開心---不過更難受o既系后頭,青青因為唔舒服,所以跑唔到,要找人代替,結果找了我,我就諗,反正同原本諗o既一樣,就ok,不過因為jessi話我系B TEAM,唔可以去A team,所以就唔得...結果,找了琳琳...[多謝韓卓你安慰我,多得你安慰,我至開心返^^]
后來,因為A TEAM無后備名單,結果唔可以出賽,結果jessi將我地o既機會比做A TEAM......呢件事真系好難過
不過,等我情緒ok返,我見唔到琳琳跑,見到韓卓家姐,心諗...琳琳唔系咁做呀嘛......原來佢真系驚我唔開心,所以唔跑4X400[雖然你為左我放棄,我好感動,不過你有無諗過自己,我相信你一定可以拿多1個牌]......
3:20 見到kuri同黃bra跑,黃bra跑最后一棒,我見到佢步幅好大,到左終點之后...佢...又搞頭髮= =
3:50 到左頒獎典禮啦,有意想不到o既驚喜!!social service team o既 接力系有牌ga,無端端又多一個牌,哈哈~真開心
5:00-6:30 girl guide系北區運動場宣誓,我好似去左茶花小隊,同韓卓一組
7:50-9:00 同daddy,mammy同何思思出街吃飯,幫mammy慶祝生日,有龍蝦食,yummy~不過我真系太攰啦,食下食下訓著左...
9:20 返到屋企后,系梳化訓著做...無蓋被,之后...我發現...我感冒了TnT
唔知咩原因,我記得自己系12:00沖完涼,訓教...
今日真系好攰呀! !聽日加油!
---------------------------------------------------------------------------------------------------------------------------------------------------------------------------
最后我想講一句: 我唔要再做二奶，我要做大婆 ! ! ! ! ! ! ! ! ! ! ! ! ! ! ! !
|
