今日番 biochem tech 又遲左大半個鐘
有人問我尋晚睇完波有冇訓,我話冇啦,睇完就番學喇
咁點解我會遲到架呢,哈....

上完堂就去左睇 taka 同阿 rex 打壁球
睇睇下都打埋一份,今次都係第二次打 je,但係 taka 已經問我係咪學過喇~~
有時 d 野唔係講有冇學過 ge,係睇有冇天份架~ha~~~!
有 d 人仲連續挑戰我三次,最後結果~?我邊有可能會輸俾你丫~
睇住阿 rex 打波真係好得意,籃球又係咁,壁球都係咁,點解你 d 動作可以咁 kawaii 架呢~

打到十二點幾就去食飯,之後就去左 102 度訓,真係好 tired ....
訓左個幾鐘,兩點幾就俾人叫醒,好彩有你 je,如果唔係我以為三點半先做 lab...咁就死喇...
今日個 lab 都唔係話好難做,但係就好多野做.....
都唔知我地四個做咩會咁 ge....今日好似咩都做錯咁.....
weigh d cpd 時,明明係知道要攞幾多,但係到睇個 reading 時又睇錯...最後又要做多次...
另外一 part 個 graph 又做唔到直線....又錯...都係攞 d sol. 去度機 je...都可以錯...
最後個 lab overrun 左半個鐘...六點報到,我地就六點二先到...

其實今次個比賽 d 賽程編得真係幾差...
有咩理由有 d 隊好快已經打左兩場,我地就仲坐o係度睇波...!?
坐咁耐真係人都凍晒....
等左好耐終於都打第一場喇,點知就住個舊同事阿茂添
其實佢地都真係唔太勁,但係一開波就俾佢地打亂左個節奏,打得太急喇....
打左唔夠兩分鐘就冇晒氣....腳都軟埋添....
不過好彩阿聰手風順,佢一個都入晒咁滯,最後都贏左~

第二場我就冇份打,因為太耐冇做運動喇,好 tired 呢....
不過o係場邊睇佢地都打得 ok ,又夠力咁喎,咪唔叫換人囉~
咁當然呢場都係贏埋啦~
今日 ge 最後一場就輸左喇,不過我地根本係贏一分架!!
唔係計分o個兩條女掛住傾偈,我地就唔會變左輸一分 !!
難得我有波入丫嘛.....

打完都九點幾,我地就去左柴灣食飯喇
食完飯就番屋企,好 tired 呢...
差 d 企o係度都訓得著.....