呢排都唔知做咩,訓極都唔夠咁 ge ....
尋日都已經又唔番學架啦...今日又冇上到 biochem tech ....
再係咁走堂....呢個 sem 又要 re-exam 架喇......
其實都諗住番架,但係番到杏花村都已經十點半
行到番去又上五樓攞下書咁,又冇左幾個字...

咁就搭番地鐵過去銅鑼灣喇,去見工嘛
不過時間就仲早,所以就去左吉野家食早餐先
食完就去 delifrance 喇,雖然都唔算好多人 in,但係都等左好耐..
interview 時都冇咩特別,不過就冇諗過佢會叫我做個自我介紹...
仲未知請唔請,要等電話喎...都唔知仲打唔打泥架 je ..

諗住in 完去睇番場戲啦,點知都已經十二點幾...開左場 lu....
今次都係第一次咁早o係銅鑼灣行街,乜都未開...
最後就去左 ikea 度行下啦,行到咁上下就番學校喇

番到去就入左 102 ,但係就唔係溫書...係訓...
d 人勁黑人憎,自修室泥架,勁嘈喎 !!
o係我隔離同後面係咁講野同笑...
我唔係睇緊戲呀,我唔要 surround sound 呀 !!
溫到四點幾阿聰打泥,咁就一齊落左去 canteen
坐左唔夠一陣佢就話肚餓,咁我又冇食 lunch 喎..又忍唔住....
食飽坐到差唔多就去換衫打波喇

打之前睇左賽程話七點左右先到我地
但係睇左一場波就話到我地打喇喎,o個時都仲係六點半左右...
好似話有一隊棄權左喎....我都未 warm up 就要我打....
不過呢場 ge 對手都唔難打,一開始就拋到六比零
打到最尾我地幾個都打到冇咩戰意,波都懶得追添~
埋單贏幾多,唔記得左 lu ,贏左就得啦~~
完左之後佢地話我打得幾好,但係我就唔覺喇....

坐低睇多一場又要打,掛住睇都唔記得熱身...
呢場其實都打得幾辛苦,開波冇耐就自己射失兩隻....仲有 turnover ...
仲要俾人o係我身上攞左四分....唔係自己打得差...而係身位唔夠人好....
俾佢爆左我幾次...換左以前...我一定唔會換人 mark,點都要自已 ko 佢 !
但係唔可以咁架喇,又唔係得自己,唔可以咁自私,而且又有人可以 mark 到佢
最後都係同左 penny 換,辛苦晒....

開頭因為我,我地落後到二比七,換左人 mark 之後好番好多,冇咁易比佢地入波
我地慢慢追番上泥,但係我都打到冇乜力,咁就換左阿健出泥
呢個時候我地都仲落後緊一分架,但係阿健出泥就入左一隻,反超前一分
不過呢球都入得幾符碌,"浪"左兩個圈先入....
到佢地開波時真係幾緊張架,因為時間都得番唔夠一分鐘,仲要係佢地攻喎
佢地都起到手,不過就唔入,點知隻波又落番佢地手...
場波真係贏阿健咋,佢地傳波時俾阿健偷左,控球權泥番我地度
咁就 key 住個波到完場,險勝一分呢.....

打完之後我地知點解會贏得咁辛苦喇
因為我地 ge 主力------阿聰,佢竟然o係咁重要 ge 時候分心 !!!
叫你走先又話唔好喎,不過呢頭講完,o個頭又話走先~~
哈~~不過我明 ge ~~~ hee~~~!
之後我地睇埋下場波,射多一陣就走人喇
換衫時發現隻鞋o係打波時整花左...仲好大撻....心痛.....