今日去左元朗個污水廠度參觀
開頭都諗住番學校先 ge ,唔使自己搭入去咁貴嘛
不過最後都係要自己入...
到左十一點幾阿堯話佢都唔番學校,所以就約埋o係朗屏等

o係朗屏搭車入去污水廠都只係十幾分鐘車程....
比幾他人仲要早左幾個字....
等到冇野好做就過左隔離山貝河度影下相
真要學下點用部相機先得喇....

幾個字之後其他人都泥到喇,咁就開始今日 ge visit
一開始就o係間房度睇個 movie 同 ppt 先
原本應該一早就明 ge 野,到而家先至識呢....
睇完晒就出左去行喇,但係咁 arm 我地去 ge 時間 d 機唔郁
想話睇下佢係點操作都唔得....
期間阿堯拎住部機影左好多相,真係影得好靚呢~
就泥行完晒成個廠時,俾人發現左我同阿聰 ge 怨氣..哈....

行晒就搭番車出去元朗,因為夜晚要去食 d 大件夾抵食 ge sushi
其實元朗都冇咩野好行,商場又唔多喎...
不過就俾我o係入面搵到部扭蛋機,個 tamama 好得意呢
只不過我要奉獻出泥之嘛...好彩..個 giroro 都唔錯~

之後等埋人地出泥就去左打機
打到六點半左右就去食 sushi 喇,因為o個度真係好多人排架
六點半先開,我地都係遲左兩三個字 je ...己經坐滿晒...
足足等左差唔多九固字先有得食...

食完都八點幾,又再去打機,未打夠嘛~~
打到九點幾阿堯就走喇,我地就去睇戲
不過去到戲院 eight below 都已經得番單丁位..
咁就轉睇 V 煞喇,開頭諗住係 matrix d 人拍 ge 會幾正啦
點知 d 動作位都係得o個幾幕....
好彩個故事都 ok ,如果唔係真係 side 錢...