啦屎一日返 census 都係要遲到囉~~
不過都唔知咁係好定唔好, 唔係遲左返都唔會編唔晒 d 碼
唔係編唔晒 d 碼都唔會唔使出街~hee~~

到左十二點左右就九個人一齊去食飯, 仲係壞人請添~多謝~!!
過左一陣王子公主都泥埋喇~~好人齊呢~~
食飽左就返去執野, 返到去已經成組齊晒人 lu~
執好晒野就一齊影相喇, 都影得幾開心架~hee~~
影左一輪, 王子就o係我地面前表演玩扯鈴喇, 個個都要佢玩~hee~!
王子o個時個樣真係好得意喎~好勁呀~~仲拍左 movie 添~~
玩左一陣佢又唔肯玩, 咁就送 d 禮物俾佢啦
雖然三份禮物都係一樣 ge, 不過都希望佢鐘意啦
話晒都係 yoko 姐揀架嘛~

之後就成組十七個人一齊玩, 其實都冇諗過會一齊玩架
因為番左咁多日都同另一枱 d 人冇咩野講咁
但係可以咁樣都幾好丫~
一共玩左兩個 game, 不過都唔記得叫咩名 lu
只係記得輝輝同阿 sam 兩個要俾人罰 je ~~哈~!
另一個 game 呢...只係玩左一半 je.....
都怪二樓 d 人自己做錯野, 唔見左野又走上泥嘈啦
喊完又要搵人上泥嘈, 搞到咩 mood 都冇晒 !!!

坐到四點鐘就準時收工, 去唱 k~~~~
除左我地四個之後, 仲有嘉芙蓮, 輝輝, 菜葉, 恩 and 尼芬斯
個個都好似餓左好耐咁, 咁又 arm ge, 至少十幾日都冇掂過咪嘛~
但係就唔係好夠咁,得三個幾鐘咋...
因為今日係王子生日, 所以又有香檳飲
不過我都係唔多滿意 newway d 香檳, 因為太甜喇.....
唱到八點鐘就要走 lu, 唔知幾時先會再見, 幾時會再一齊玩呢...