今日約左 ive ge 同學仔一齊去海水公園~~~原本就話一早十點半去 ge ...不過呢.....因為個 biochem report 未做好 ge關係....要返學做埋先去得...我, quinn 同埋阿聰三個最後要做到十二點先走得,仲要 kevin 泥幫手先搞得掂.....真係唔好意思呢....做好晒就即刻走去 cwb 搭車, lunch 都要o係車食呢~今日有我, quinn, 聰, kevin, rex, taka, 大佬, 健~加多個神秘嘉賓-------lily~~

提到 lily, kevin 真係衰呢,人地買埋蛋糕同你慶祝,你一句多謝都冇,仲要成日都唔理人喎,真係可惡~等 lily 泥o個段時間,我地去左兒童王國,玩左個攤位遊戲同旋轉木馬,好有童真呢~之後 lily 泥左就唱生日歌同食蛋糕~~食完就坐覽車上山喇~

落左車之後,原本就話要去睇水母 ge ,不過行錯路....行左去玩越礦飛車......今次玩有 d 唔同,刺激左~因為 kevin 話要一齊舉高手玩嘛,第一次呢,不過真係幾正~~跟住玩埋個轉泥轉去 ge 野就搭電梯去玩海盜船 lu~因為我地多人,所以就要分兩邊坐,睇住 kevin 真係企起身玩...自己就真係唔多敢試....

玩左兩次就去玩跳樓機, 同人地一齊坐,隔離o個個未上到去已經驚到合埋眼~~好笑~~~!!不過上到去我都有 d 怯呢,好大風嘛.....驚左一陣咁就跳左樓,好玩呢,再玩多次~~~今次就坐左向海o個面,呢次上到一半已經唔多想玩.....因為個海係斜左落去,感覺上比望地下係高左好多.....但係個感覺真係好 high, 比之前坐另一邊位更正~~就連 kevin 都搵番佢失落已久 ge 高潮,搵番佢 ge "G 點"喇~~下次去玩跳樓機冇坐過o個三個位,都唔好話俾人聽你玩過~

之後玩左一次飛鷹就第三次跳樓喇,拉埋人地去玩喎,點知個個坐低晒之後有人話唔玩喎~~~hee~真係第一次見呢~玩左三次都夠喇,不過 kevin 佢地話夠,仲要玩....咁就陪人地玩多次海盜船喇,不過已經唔再覺得好玩 lu~ 

等齊人就去左睇鯊魚, 開頭見 ge 都冇咩等別,但係影影下相見到隻大白鯊....好大隻......d 牙仲好恐怖....俾佢咬住真係命都冇......不過有 d 一兩隻成身白色, 都幾靚架,除此之外都冇咩野好睇 lu

跟住就行左去海洋館, 入到去先知....原來我係第一次入泥呢.....入面真係好多野睇,好特別,多數 d 魚都係打橫 ge ,但係入面就有一種直 ge,好搞笑~除左咁,仲有好多魚呢,有 d 仲長過我.....仲有影左一張小丑魚,好靚架~~

行完就去左水母館睇水母, 入面 d 水母真係好靚呀, d 燈光射落去 d 水母度有好多色,正到爆~~影左好多相同 viedo 呢,不過入面太黑喇,影出泥 d 相好矇呀....得一兩張相出泥係清....

睇完水母就走喇,因為都六點幾 lu, 之後就出左 cwb 食飯啦,開頭就話去阿拉麵館 ge, 等左好耐都冇枱喎, 咁就去左打機啦,點知打完都係一張枱都冇......咁就去左食巴西燒烤喇....食到十點幾十一點 lily 就走先,我地就繼續食繼續傾,開左會個分享大會呢~~hee~~~不過有人就掛住釣魚,仲俾我拍左段 movie 呢~~食到十二點幾就走人 lu~