諗住今日返英文啦,點知又冇喎...哈...
已經好多堂冇上 lu...唔知 attendance 會唔會唔夠呢....
之後十點半 ge ana chem 又冇上到...
以為返學校交 form 都叫有樣野做下啦,點知又交唔到.....

下晝去左電腦室,見佢地做緊 OM 份 assignment,諗住又做啦
點知最後........訓左.............................
訓到四點幾就陪人出左旺角交收,之後就返去 cwb 喇
上左去 times 行, 見到一座琴, O晒咀.....$1,880,000...仲要大特價...
之後又見到o個間狗狗 cafe 派傳單
今次佢地帶住隻哥基呀~~~好得意呀~~~~~~!!
真係好想養番隻呀~~

跟住就去左皇室堡行左一陣 HMV,再跟住就落 ikea 食熱狗
等左一陣其他人都泥左,有成八個人睇泥~
從來都冇試過咁多人一齊行 ikea,不過行行下變到得三個咁...
行晒就去左搵野食,去左小巴黎食野,第一次去
不過 d 野食就唔多好喇,好一般 je ....
食飽就去左打機,玩左 photo hunt,今日先知得廿個 stage...好少呢

打完機就去睇戲喇,今次係去 JP 睇,又係第一次
原來呢度係咁正架,入面個院好大,個 screen 又好大,超正~~~!!!
下次有機會一定再泥睇~~~
套戲我又覺得幾好睇, 冇阿 joe 講得咁一般
成套戲節奏都幾快,仲好緊張添
可能係我冇睇第二集啦,冇得比較,不過真係值得睇~

夜晚番到屋企見到佢地 online,原來佢地去唔成打牌
咁咪改o係屋企打囉~不過係上 yahoo ~~~
打左兩個幾鐘,係咁出俾 taka 食.....可惡呀~~!!
我一定要報仇呀~~!!