放左工番到屋企就沖涼,沖完就去食早餐喇
阿媽今日唔使番工,但係下晝又去左三"扣"父屋企打牌....
食完早餐訓唔著,因為有 d 事令我幾擔心...
不過諗番轉頭....都係自己想得太多....

下晝就陪左 quinn 去見工
唔知係咪唔夠訓,好小事都會忟....
不過都好小事 je,過一陣又冇野,不過唔鐘意自己咁樣....

見完又去左扒王之王食野,之前都收到阿姨電話架喇....
又叫我上去打牌.....唔夠訓真係唔想打...想訓多 d je ....
不過食完野都係上左去,等佢地食完就打喇...
開頭都有糊食下,通常 d 天仙局都係咁....
但係打打下就係咁俾錢喇....
一圈牌竟然可以打個幾鐘....期間係"色"都未掂過....
不停冧莊...不停自摸.......
有糊叫就冇得食...唔出"充"都要輸自摸......
戰意...士氣.....咩都冇晒......

佢地又打得大喎...完全唔理我 ge 感受.....
最後埋單四百幾.......尋晚加班 ge 錢咁就冇左...仲要倒貼....
好唔鐘意輸 ge 感覺......