今日情人節,都冇咩地方去

仲要諗唔到去邊先死…乜都仲未準備好

不過好彩今日有人要training咋,唔係就咩時間都冇.....

放左學就去左銅鑼灣行左一轉,之後又番左屋企hea下

上下網又打下機咁,到左五點左右就出左去荃灣接人放工喇

去到荃灣就買左d野咁,雖然唔係好貴重,不過最緊要係你鐘意~

等到六點幾就出左泥喇,咁就去買下野食同周圍去行下

期間行到去買野間舖頭,差d以為自己買錯野添~

行到去千色店o個時攞左d野出泥,冇諗過你會咁surprise呢~

o係入面又見到隻喵,睇左好耐,仲以為我真係要帶o個條咁 kawaii ge電話繩呢.....

最後就去左飯廳食飯喇,開頭都諗住係一間幾普通ge餐廳,點知...

去到個門口,俾人個感覺都幾high咁,價錢仲...

其實我又冇咩所謂,最緊要好食嘛,不過有人又話唔好,咁咪去第二間囉

最後去左間叫八太郎ge居酒屋

去到坐低就叫野食喇,蠔,冇....蟹,冇...石頭飯,冇...就連拉麵都冇...死未....

最後都係叫左幾樣野食,好彩都ok ge...

食完野又去行下咁,諗住去海濱公園啦,點知又去錯左荃灣公園....

o係入面影下相,傾下偈,最後就送埋另一份野俾佢喇

點知…一d都唔覺得人地開心囉…有人話一早估到喎....

Cher....

第二日都要返早,所以十一點幾就要走lu
雖然個情人節過得冇咩特別,但係有我陪你過都希望你會過得心啦~