今次上左番禺同東莞果頭

(原諒我唔識大陸地方=_=如果有咩錯歡迎指出)

第1日8:30就要落去搭港鐵

幾經辛苦去到羅湖逼逼逼

逼到去過關

原本去e-道

點知我阿媽懶醒話行內地旅客果邊都得

行到去係有得過呀

但係無e-道呢 醒目

跟住迫住要排人手

就係呢個時候

又比我見到個女仔

勁似上次新都城見到果個女仔既果家人既女

(或者解釋下先@_@新都城見到果個係佢地既細姨

而過關見到果個就係疑似個細姨果家人既女)

不過都證實唔到係咪啦

跟住去左等直通巴

麻煩事就出現啦

原本係一個u字形排隊等

點知架車一黎

停左係排尾果班人到

原本排尾果班人就衝晒上車

咁排前面果d梗係嘈

我阿媽都過埋去嘈埋一份=_=

嘈完最後都係比d上左車既人照去

下架車黎就終於識做啦

係搭車既途中

睇到部正片 叫《導火線》

可惜佢係係個節目入面以介紹形式播

所以無播晒全部

到左之後就去左飲茶

唔好問我食過咩=_=

跟住返酒店hea一陣先

6點幾就去長隆睇馬戲

可惜我得部廢電話

唔係實拍低

因為真係超正

絕對值得一睇

最搞野係

佢有段係玩跳水

對正vip席

一開始表演

vip席d人全部濕晒

個個即刻走佬

原來vip就係咁重要@o@

睇完又去左酒樓食飯

食之前我阿媽同d aunt uncle去左參觀

參觀完返黎話好似個街市仔咁

d海鮮果d排晒出黎比你揀食乜

食完之後d大人就去揼骨

我地細路就去左搵野玩

原本入機舖打機

但好似好雜

比人叫左去碌齡

我唔太識就費事獻醜

最後都係去左篤枱波

今次打美式

我同我表弟2丁友打

打左好多球好神既波@o@

平時玩下都係打直線入洞

今次高級左

白波 要打果個波 同個洞唔係成直線

都比我好幾次好好彩咁打入左@_@

最後係大炒我表弟xdd

篤完返酒店先

係到鋤d

鋤到d大人返黎就返房訓

第二朝落雨

一黎就坐車去左人地屋企坐下先

真係果d好鄉下既屋

唔係d好現代化既屋

坐完之後去搭地鐵去火車站

終於係呢到首次影左少少相

不過影得好差

大陸果d車飛係用一個銀仔咁

嘟落部機就得

類似百達通咁

到左之後去搭火車

坐架叫「和諧號」既火車

張車飛又係嘟落部機到

全程都好好

唯一遺憾既就係唔夠快

佢最快都係去到196 km/h

不過都好過香港好多

到左目的地東莞之後

搵車坐去一個叫紫荊花園既地方

第一次聽到正宗既大陸粗口@o@

咁岩果到有班大陸妹搵車

跟住同個大陸仔嘈

好清楚聽到"粗你媽b"呢幾隻字 @o@好正

跟住搵到車坐去

去到食少少野就行入去紫荊花園到

原本等車入去

但等左陣都無

就行入去

行左勁耐先行到去=_=行到痴肺

又係人地屋企坐左陣

就行去食晏

全餐最正就係果個竹筒雞

同一大盤魚

條魚大到食到你唔食=_=

食完之後我阿媽就留係到繼續玩

我就同我表弟果d返香港

返到黎香港搭火車果陣

有一對情侶企係我對面

咁好正常一定會昅女啦

我昅左個女仔1 2眼

個女仔又望返我1 2眼之後

個男仔就係咁啤返我=_=無言

而家係咪昅下你條女都唔得=_=

我又唔會搶左你條女

總結2日:最正係見到唔少

好似我地可愛的同學們既人

有邊d就唔講@o@

post相@_@

不過質素好差

大家多多見諒