補返句新年快樂比大家先@0@

離開左香港5日

有無人掛住我先xd

有無都唔緊要啦@0@

係時候講講點解5天開心之旅變為5天不快之旅

(正確d黎講係4天開心1天不快 詳情容後再講)

2月4日

鬼咁早又要起身

6點要起身

重早過返學

搞完一大輪

7點半左右出門口

行去坐e22a

到左機場搞左行李d野去飲茶

飲左餐超貴的茶

無記錯既大點3x 中點2x 小點1x

食左唔夠10籠都差唔多3百先落到樓

食夠之後等夠鐘返去集合

就係呢個時候@_@

我發現個領隊好熟面口

望真d原來好似陳嘉玲@_@

個領隊男黎

話唔定係佢親戚@0@

之後等夠鐘上機

去程d空姐唔算太令

d飛機餐又唔算好食

不過好彩都有樣野比較正

係飛機到有本雜誌入面

有講到星座2月既野

雙子果到第1句就寫

如果今個月錯過左旅行/增進事業既機會

雙子就會好懊悔

果陣都未覺得係

之後先覺得

到左之後

一落機就坐車去芭提雅

做泰式古法按摩

包左1粒鐘做下半身

可以自己另外加鐘做埋上半身

我地就做1粒鐘算

原本諗住都係得d年紀較大既按摩師啦

點知咁好彩我果個係後生女黎@0@

重要都幾令女

跟住就換佢果到d睡衣開始按

開頭按都無乜野

但按按下有d動作按到好近敏感部位

好彩我見慣大場面@_@

不過聽其他團友講按埋上半身既話

有個動作係坐上你個身到

我諗我如果做埋上半身會頂唔順=_=

按完1粒鐘之後去行左陣街

之後返黎集合又坐車去行商場

我重好記得個商場叫邁利

行完坐車去食晚餐

食完坐車去酒店

間酒店幾偏僻下

上到房試完野就沖涼訓教

第1日就咁完結

呢1日我發現我坐係到訓教一定要坐右邊靠窗位=_=

因為我唔知點解訓親個頭一定係向右邊跌=_=

2月5日

呢日就夠晒精彩啦

一早坐車去芭提雅既海邊

坐快艇去珊瑚島

原本都無乜特別

先坐左去浮台到玩降落傘

一隻快艇扯住個降落傘

跟住你就係個降落傘上面

一開快艇就扯你上天

不過我無玩到

我阿爸就有玩

玩完之後再坐快艇去珊瑚島

呢次就正啦

因為我地最早上船

所以坐係船頭

要坐成10幾20分鐘先去到

全程都幾大浪下

所以坐係船頭就全程"等"到飛起

我地船頭果班就嗌到拆晒天

船尾果d完全無反應=_=

嗌完一大輪終於去到珊瑚島

跟住就係到介紹有咩玩

我&我爸&媽就去玩海底漫步

我家姐就唔方便唔玩得

又係要坐快艇去一隻大船到

所以又係要"等"

去到趕時間到乜都唔講解

比張野我地睇就開始落水=_=

搵個野笠落個頭到就落水

落到去都無乜野做

都係拎d麵包餵魚

玩完就返去沖涼等食晏

食完晏就坐船走

今次就醒目啦 坐船尾

坐船頭果d又係嗌到痴晒線

坐到返去又坐車去參觀金三角蜂園

原本應該好尊重講解果個人

點知佢講到話d蟻驚d蜂蜜

所以成間房唔會有蟻

跟住突然我feel到隻手有d野

一望原來係隻蟻

我就話:有蟻喎

由呢到開始我地某幾個人就狂"疾"講解果個人

再講講下佢做到一個動作果陣

放錯野放位跌左落地

我地某班人就笑到痴左線=_=

原本我唔會因為d咁既野笑

但我都無啦啦笑左出黎

癲夠之後坐車去信不信由你奇趣館

先入去睇4d

但呢個比山頂果個差好遠

跟住分批去鬼屋&立體迷宮

我地淨係去左立體迷宮

但個所謂迷宮係超廢=_=

d門勁易搵

玩完之後真真正正入去睇

但佢有果d香港都有

爭在佢地方大

放得多d其他野

睇完又坐車去商場

行完商場又係好精彩

就係去睇人妖show

有d真係睇落去完全唔似人妖

不過一開聲就=_=

睇完人妖show又後去食飯

呢餐飯就正啦@_@

好明顯係呢日搵得錢多

所以食得好咁多

食完又坐車返酒店

返到酒店重好早

所以同另外一家人落左去樓下坐下吹下水

吹下吹下就返酒店

第2日就咁完結

呢1日我發現我越黎越鍾意雙手插袋=_=

無論著咩褲都係2隻手插晒入去=_=

2月6日

第3第4日既行程我可能會掉亂晒=_=

大家多多見諒

第3日就悶少少

一大早起身就要離開芭拉雅

坐車去曼谷

先去暹邏大象園

騎左大象先

臭又唔算太臭

但係好搖=_=

騎完大象去餵/釣鱷魚

餵/釣完鱷魚去坐馬車/玩實彈射擊

我阿爸去玩

揀支好似.45玩

點知d後坐力超勁=_=

佢描住個紙牌心口射

射完中左頭頂=_=

跟住4發都打飛機

最後1後又中返頭

總數中左2發頭頂

其他人玩就中肚腩位

全部救得返

係我阿爸果個無得救@_@勁

玩完之後坐車走人

去珠寶城 跟住再去拜四面神

拜完又去行商場

行完商場去食飯

食完又去酒店

今次就無咁偏僻

樓下重有d早市

跟住又係試野 沖涼 訓教

第3日就咁完結

呢1日無乜特別

2月7日

第4日又係夠晒精彩啦

不過係下半part

朝早坐車去夢幻樂園 (dream world)

入到去即刻玩過山車

呢個就比較細

所以都唔係話太刺激

玩完去左夢幻真雪城

入到去除左影相就係凍=_=

入面得零下5度

第一次凍到隻耳仔都痛痛地

跟住去食飯

食完飯我阿媽同家姐就行街

我同我阿爸周圍蕩

蕩蕩下又坐多左次過山車=_=

今次係完全唔知咩事咁坐左

見到人入我地就入

呢個叫宇宙飛車

不過入面太黑

唔太識驚

玩完去左坐吊車

全人手操控@_@

坐完發現原來果到都唔係好大

之後同我阿爸漫步返去餐廳到坐陣

再行返去門口上車

跟住去燕窩專門店&皮具世家

再去行商場

我同我阿爸行左陣就係商場門口坐

坐左都差唔多20分鐘

馬路d車差唔多完全唔郁

夠鐘返去集合就決定行去食晚飯果間酒店

行左成4個字先去到

呢間就係全泰國最高既餐廳

係7x樓 84樓係旋轉觀景台

間餐廳既野食尚算ok

但最正既係果到有d人會埋黎表演

我地就睇左個正經既魔術表現同玩野既魔術表演

玩野果個魔術表演睇到我地勁hi

不過有條日本女人投訴我地嘈

勁q無奈=_=

食完上去觀景台

都ok令d風景

跟住就返酒店沖涼訓教

第4日就咁完結

呢1日發現我似乎克服左機動遊戲恐懼症@_@

以前去親玩機動遊戲都鬼咁淆@_@

但而家玩落又好似無乜野@_@

2月8日

第5日就係成個旅行既轉捩點

一朝早我阿媽行完早市返黎

就開始又疴又嘔

跟住搞唔掂要去醫院

我地就繼續行程

去湄南河&鄭皇廟

途中得知我阿媽打左針+要吊鹽水

跟住開始陸陸續續又有幾個人都係咁

跟住去食飯

食完飯我阿媽就返到黎

成個人真係面青口唇白

跟住就出機場準備走人

係途中就知道係因為琴晚果間餐廳

入面有d海鮮唔新鮮

所以有d人食左就咁樣

去到機場我阿媽d面色都好返好多

所以都搭到飛機返到黎香港

原本我就無乜事

只係朝早有d肚痛

點知係飛機餐到食左d蝦

一落機就疴

跟住飛的返黎果陣就開始有d想嘔

一返到黎就即刻衝返屋企疴

疴完過左無耐就嘔

跟住就去左睇醫生 輪急症

要等成3粒鐘先有得睇

返屋企訓陣先

訓完精神左好多

返到去睇

因為某d事我阿爸同果到d人嘈起上黎=_=

嘈完之後我阿媽要吊鹽水&留院觀察一晚

我就只係要飲d營養劑

不過都好慘

箍牙已經唔食得甜+硬野

而家差唔多乜都唔食得=_=

究竟佢話我錯過左旅行既機會就會好懊悔

係咩意思呢?

ps:呢篇野唔算太長

但係都打左我1日@_@

琴晚返到黎已經打緊

跟住今日打左d又突然輕左

要重打=_=