今朝一大早又要起身
8點起身搞到8點9先出門口
去坑口港鐵站會合我阿媽&爸
跟住就向中環出發
去到之後第一件事就係洗牙@_@
好耐無洗過牙
還挺辛苦的啦@_@
成日都忍唔住要吞一吞
吞完又搞到佢條喉要整一整XDD
個口又成日唔夠大@_@
我諗佢講左10次以上叫我再大d
洗完牙要度一度上次個模岩唔岩
跟住就整左4舊野落4隻大牙到
再印多次模
今次印下面排牙果陣有個位好痛@_@
死忍得好辛苦=口=
印完就除返果4舊野放落個模到
跟住又落返3舊上次果d野落大牙到
跟住返過去我阿媽&爸係到聽個牙醫講解
聽完book埋下次時間就走人
走果陣差唔多11點
跟住我阿爸無啦啦屎忽痕話要搭巴士=_=
話呢段時間搭巴士最舒服
又少人上車又有風景睇=_=
跟住就走左去搭690
搭左都唔知幾耐
我同我阿爸就訓著左=_=
重話睇風景
其實只係訓教舒服d=_=
跟住返到屋企
阿媽去左買野返黎食
我就為左慳時間一早換好晒去飲d衫
點知食野果陣因為d瘀野件恤衫就omg=口=...
即刻拎左去手洗再機洗+整乾
之後就掛出窗等佢吹乾
之後又因為瘀野條褲勁多問題=_=...
即刻同阿媽走去買過條=口=...
買完就去左上次同mso去果間剪髮
我剪果陣係勁眼訓=_=
合埋眼由得佢剪
我好驚自己會唔會剪剪下釣魚@_@
到時個頭就又omg=_+
好彩半睡半醒之下都睇到個頭無事
但佢剪完又剪 剪左好多次=_+
我雖然無戴眼鏡睇唔到
不過都知今次實剪到好短
剪完gel埋都ok啦
不過長返d會好d
跟住阿媽未搞掂
我自己返龜先
開"趟"斗"趟"衫
奇蹟地九因姐幫我"趟"@_@
岩岩搞掂阿媽就返到黎
成屋人搞掂晒等埋阿爸返黎就call的士
原本係4點出門口
搞搞下5點左右先出=_=
所以要飛的去
飛去沙田新城市廣場
13x+15隧道費7折左105@_@抵到爆
跟住上去美心皇宮
上到去悶得濟打比rocky一齊晒電話費XDD
我表姐(表哥個妹)居然唔認得我@_@
話說我當時坐係近門口去一張無人既枱到同緊rocky傾電
我家姐帶住表姐行到黎我面前行過
咁我以為佢認得我係邊個啦
點知佢地繼續行
行到去我阿媽果到
有另一個唔識既表哥問邊個係我
跟住我家姐指過黎再行埋過黎
就聽到我表姐話原來唔認得我@_@
我完全變晒樣@_@
跟住繼續傾
傾到就入席
rocky就話食飯要收線
收線之後隻耳仔又係紅晒
跟住咁岩得咁"橋"我班親戚又拎我黎講=_=
跟住咁岩我既角度係淨係見到我紅晒既果隻耳仔
跟住就話我又耳仔都紅晒=_=
好無奈=_+但我又懶得理咁多啦
咪由得佢地講
跟住終於正式入席
坐係張對正個台既枱@0@正
跟住又係d咩司儀出黎搞一輪
再到新人出黎之前
就有得睇返對新人既細個既相@0@
我表姐(結婚果個)細個真係好似九因姐XDD
跟住睇完就到新人出黎又講一大輪
講夠之後就開餐@0@
開餐期間有咩事就暫時唔打住@_@
跟住到左散水既時候
散晒水之後又係剩低果班人係到對數
今餐食左19萬近20萬@0@43圍枱
10萬比支票 9萬幾碌卡@_@
我幾時先可以寫到張10萬既支票同碌到9萬幾既卡呢@@?
對完數走人 又係call的
因為都成11點 好夜下
又由新城市廣場飛返tko
今次折左都要11x@_@貴左
唔知係無7折咁多定點
不過飛的途中先知原來有d唔太開心既事發生左呢@_@
遲d補返=口=而家去訓教先
補返@_@
件事發生既時候其實我唔在場
係係的士到聽返阿媽&爸係到講
話說新年果陣成班人一齊食飯啦
跟住就一齊夾份買六合彩
之後真係中左
每家人分返2千蚊
跟住我阿爸就話唔好分
拎d錢去一齊食返餐算
咁大家都同意左啦
跟住拖到而家年尾都未食
跟住飲果陣唔知幾時
我阿爸就比我某一個表哥拉左去
係到傾果d錢既事
跟住傾到好似我阿爸食左佢2千蚊咁
搞到我阿爸無晒面 好難落台
搞到而家大家都唔happy
最後由我阿媽拎左我阿爸3千蚊
跟住我地自己去食
唔洗預阿爸份
| 
