今日走左去一個叫塔門既地方拜山

由厚德飛的去黃石碼頭

8折130蚊成交 算平啦

飛到去見到個新碼頭終於起好左

總算叫令左大左啦

等埋其他親戚之後就選擇左CALL快艇返去

快就快啦 但係幾大浪下

搞到躉到個屎忽好痛

重要勁大風 個頭吹到極亂

我件衫重要差D吹到露點

返到去執掂間屋等齊人之後就行上山拜山

途中見到唔少牛屎

到左個墳墓之後

成班麻甩佬就開始係到執個墳同劈&斬樹

跟住就做D好正常既程序

搞搞下無啦啦我D阿哥既仔同女話想食野

我老豆就拎D蘋果比佢地食

咁比細路食就梗係最好批皮啦

我老豆就拎住把菜刀係到懶勁批

點知又比佢批到 真係比佢吹脹

搞埋D手尾 燒埋炮仗就執野走

原本重要去拜第二個墳的

點知我同家姐都行左返屋

結果無拜到

但問題係未走得 要等食埋飯

結果係到吽 對住個海發夢 玩手機

跟住無啦啦返左入屋諗住訓教

呢個時候ROCKY就打黎

又係到煲左陣電話

煲到差唔多食飯就收左線

我同九因姐一人揸住一隻燒鵝肶係到食XDDD

食完飯又係到吽到5點先CALL快艇走

由於超載左2個人 雖然只係BB

重要有水警 結果呢個歸途就一步一驚心

重要有成3 4隻快艇已經比佢叫左埋去查

心情變得更加緊張

不過好幸運地因為我地果隻係大艇

所以無被查

不過運氣話咁快就停左

個碼頭係一架的士都無

巴士站重要N咁多人

個燒烤場又要有勁多牛

不過D牛勁醒目

原本果到係整到等D牛入唔到

但D牛居然有方法入到去

都唔知話D牛醒目定整果D人蠢好

到左終於等到架94之後

去到西貢又要等792M

搭緊792M既時候見到佢播MAYDAY既抓狂MV

OK正咁啦

跟住我家姐無啦啦係到用手機播死性不改

我阿哥個仔同女就係到跟住唱=口=

勁搞野=口=佢地重要未太識講野

完全聽唔到佢地唱咩 不過可以玩估歌仔XDDD

下次返去真係要帶部相機

影D相比大家睇

今日放左學發生左d咩事

相信唔洗我多講

有睇我blog既人大多都係當時人

其中最正就係搶書包事件

臨走果陣原本係等埋張百先走

點知無啦啦比m曹叫左去幫手搵人

搵搵下見到忍者龜都搵緊

再搵搵下 張百原本以為我走左

諗住自己一個走

點知咁岩比m曹見到佢走

就話左比佢知我係幫手搵人

重叫埋張百幫手搵

結果無啦啦要搵既果個人自己彈返出黎

呢個尋人遊戲就係咁結束左