尋日約左單尼斯阿YAN小玲阿杉KEN CHAN 單尼斯哥哥同男朋友去大尾督燒烤...
有陰影, 上次俾草蚊咬到... 去睇醫生.. 勁嚴重囉

去到之後開始勁行雷, 閃電, 落勁大雨, 我地個燒烤場個頂都唔係好穩陣... 係D 布咁既野.... 吹吹下連電都停埋.... 嘩... 大家嘩一聲, 黑麻麻的晚上DENISE話最好講下鬼故... 好彩無講啫佢..

我地幾個人都算過份, 見個火仲未熄, 出面橫風橫雨都仲係咁燒, 拎埋手電筒出黎照, 附近啲爐的人都停唒手.... 等"救援"... 燒烤場D人好好, 開左下VAN 過黎車我地去番主要個蓬度燒, 不過我地個身都幾濕下.... 撇雨撇得好厲害... 阿爸打黎問我俾左錢未... 未的話就好走啦, 但耐何我地已經俾哂錢.... 唯有燒埋佢...

好彩後尾細左雨, 閃電都停左... 其實都幾驚架,我地隔離就係吐露港, 睇住個雷PAK落去....

一路燒一路睇美女廚房.... 睇完就搭小巴走啦,  同小玲 & 杉去左RAINBOW... 我食左好好味的黑糖ICE CREAM~ 好甜好好味... 阿杉話彩虹都幾好味...

返到家已經十一點幾... 累..

今早去醫院探姐姐... 做手術.... 氣氛都算OK, 因為知道個手術都幾安全, 唔係大手術, 家姐入左去兩個鐘, 我同媽咪喺出面睇下書, 訓左陣, 因為家姐今次住私家醫院, 所以設施比較好... 基本上一按鐘, 姑娘會即刻黎睇下你乜事, 媽咪話喺公立醫院按鐘按好耐先會有姑娘過黎... 我記得之前家姐喺北區醫院時, 啲姑娘真係幾惡下.... 無乜禮貌... 同埋當啲病人係人球. .... 唔同科目的醫生將個病人拋黎拋去.... 等一個簡單的檢查都要等大半個月, 如果真係有急病, 應該死左好耐.....

下午我自己落左去荃灣行左陣, 行完就去等巴士返上醫院, 等左二十分鐘... 我勁忟, 個心真係勁想鬧人.... 架九巴好耐都唔黎.... 73X都走左幾班.... 但39A 都唔係... 我發左勁大個脾氣lol.... 走嗰時差不多八號風球啦, 73x勁多人排隊, 我地都排到第三部巴士先上....

家姐精神幾好, 上午完左手術, 下午同我地一齊睇電視同傾計....
護士行過都話... 嘩, 你都幾好精神喎

no. 8 ... 明天落風球好嘛 ?!