從長洲回來了，三日兩夜的馬可十週年CAMP完滿結束了!
10月24日 (六)
早上十點, 我們跟據峻源的指示十點正開第一個錦囊, 有些弟兄姐妹穿好了鞋來拆錦囊, 才發現是十二點幾一點才出發, 完全係俾峻源FAKE左, 我係十二點半去搭271, 去到個站度匯合我的神秘PARTNER – 子凝, 一齊搭車啦…… 沿路上好多分享…very good, 去到尖咀轉船去中環, 峻源叫我地在二點要去到中環, 其實好趕架, 因為我地搭271時塞左車, 足足搭左一小時十分鐘先到, 我地仲要去麥當當買左個包包醫肚, 好在最後趕到搭兩點三既船入長洲, 原來同一隻船有其他pair的弟兄姐妹喺度架, 但我地完全睇唔到佢地, 去到長洲時就遇到恩夏同大ling pair, 一齊上山去營地啦… 條路好長好斜, 行到我地上氣唔接下氣咁, 面都青埋lor, 因為我袋行李得個手挽…冇得孭上個膊頭度架.好重好重
差不多四點去到營舍, 淨係得啲姐妹到咗, 弟兄又未到喎, 坐左一陣, 根住上房放低啲行李, 等食飯..依度係六點鐘食晚飯架, 好早,我都預感到自己夜晚會好肚餓架啦. 去camp邊有咁早訓架…
食飯, 飯菜ok, 不過如果熱些少會好啲, 活動1啦, 星星同學會, 傾計傾計, good, 啲主持好搞笑, 阿蓬啦熊仔餅啦, 笑死我地, 有馬可十週年選舉, 我係最孝順冠軍..同埋最有女人味季軍..呵呵.! 好relaxing的晚上, 十點完左個活動就返去沖涼, 同大ling 艾琳翠屏恩夏wendy玩stop the bus, 大ling隻手超快, 搞到翠屏成日要幫手揭牌, 再傾計傾到一點幾.. 就去訓lu, 因為我地知道第二日要周圍走玩check point game, 大家都唔敢太夜訓, 費時第二日體力不支啦…. 咁就係第一日啦
十月二十五日 (日)
早上有靈修、崇拜, 讓愛走動真係好好聽….. 根住玩左兩個細game, 成組人要輪流用手摸到個天花板, 但個天花板勁高, 要將成個人抬起架, 有少少驚, 因為自己怕高, 不過我係成組入面第一日上去的, 好在一次就摸到… 根住玩執飛機, 我地緊係派最高的人&手最長的弟兄執架啦… 仲有玩左人肉鐘擺, 最後峻源嗰個圓形洗衣機筒笑死我地, 個個男仔係咁推佢, 佢好似件衫咁喺個人肉洗衣機筒入面轉來轉去.. 午餐, 根住就出去check point game : 長洲gogogo!!!!!!! 我地首先去到便以利會長洲堂. 要拍video, 最後我地拍左連環快拍, 好搞笑, 但原來要慢動作架, 我地個故事係真人真事 – 衡衡受傷記, 一陣upload埋啲相先, 根住係去個廟度搵導師, 我地要放風箏, 我由細到大都未放過風箏架, 我嗰組係無人識放的, 我地隻叮噹風箏好可愛.. 放左一陣都未成功, 好在後尾有一陣大風吹過, 放到勁高…… 過關. 有益力多同雪梨食, 分享一陣, 下個task係要去傳福音,同埋買一份禮物, 我同組長fiona同左一個中年女人傳福音, 佢話以前都有去過教會, 但太悶又無興趣所以就無再去, 佢話就算依家都無乜興趣, 不過佢都肯聽我地講哂成個五色珠, 因為其實佢係等緊朋友走唔到…. 去買左個平安包既手墊做禮物, 根住行番去camp site lu, 去左買超大粒炸魚旦食, 幾彈牙喎又, 但想食超大薯條… 賣唒要等四個字…. 唔等, 回程要俾組員整亂個頭, 再keep住個頭行五分鐘, 好在我唔識長洲區居民… 嘻嘻
返到去都成五點, 根住唔記得左做左乜野, 之後食飯, 晚上係… 葬體…. 哈哈, 被綁手綁腳呀, 蒙埋眼, 仲要用張床單蓋過頭, 個個都想訓著lor, 艾琳後尾話番原本以為會俾人連人帶床單丟去第二度, 我地笑話, 係呀, 醒番嗰陣時發現自己喺垃圾堆填區, 哈哈, 笑死左, 夜晚行落山去番碼頭嗰邊食宵, 十一點幾落去, 有熊仔餅, 阿茵, 小良, 我, 子凝, 林伯…. 食左好多野 (可能你地會俾我嚇親), 好味, 有一隻細炸雞脾, 兩舊炸魚旦, 一舊炸紅腸, 兩串串燒 (雞軟骨同雞肉), 一碗魚肉翅同一盒鈣C寶, 食到我勁飽, 我完全唔明點解我會食到咁多野做宵夜囉. 好搞笑, 臨走時熊仔餅佢地唔小心將小良隻雞脾丟左入去垃圾筒度… =.= 最後我買左兩碗紫米露俾屏屏阿女大LING佢地做宵… 行上去時行得好快, 個個都想返CAMP SITE 訓… 成一點幾… 條路幾靜, 好在我地人多… 唔驚, 但條路兩邊好多青蛙, 一照可能有兩三隻.
10月26日 (一)
第三朝, 靈修, 查經, 互相協力, 好重要對於團契黎講…. 根住係沙中的印記, 拎番尋日啲沙出黎, 我啲沙入到好滿, 原來係要入多張紙入去架. 寫卡點蠟燭, 個蠟燭陣好靚, 雪糕同FANTA 型蠟燭都超得意囉.
完CAMP LA, 午餐唔好食咁飽住… 落山時再食完… 我先去買超大的薯片棒, 再去食魚旦串, 之後再去允升甜品食個芒果糯米磁, 再外賣返大埔俾家人食… YO! 搭船再搭船再搭巴士返大埔.
晚上同媽咪大舅父一定同二舅父一家出去食飯, 我媽咪生日, YEAH, 個翅好好味, 個湯超濃. 個芝士蝦波波都好正. 返HOME LA…. 累. 好開心
|
