疲乏的一星期終於過去了, 我很久沒試過整個星期放工後都有事不能即時回家, 可能是開會, 可能是朋友聚會, 可能是上課學東西.... 原來這樣真係好累

保齡球初班上完了, 急不及待很想報高班(沒有中班的), 打了全中很有滿足感, 以前覺得不落坑是很好彩了. 打了五星期, 總算不會手赤赤, 但最尾一堂冷氣開到好大, 我要圍住條頸巾黎打....

今晚和媽咪姐姐去了厚福街 (號稱尖咀食街) 食越南野, 食了我愛的蒜蓉牛油焗青口, 好味到呢, 不過喊左少少... 食完係咁飲水...媽咪叫的乾炒牛河都好好味呀..... 原來手撕雞係凍架...

本來諗住去食蘭芳園, 但好似貴左少少加上份量不多, 下次早些去飲杯絲襪奶茶先..... 仲有想去埋星月居食米線... 今日又經過了.... 原來以前同ALICE同黎嘉欣同彤彤去過架...

我累到在陪姐姐去覆診時睡著了, 我足足靠著沙發睡了大半小時. 醒來還矇猩猩地問姐姐抽左血未, 媽咪同家姐一齊話: 走得啦.