今日番學補經濟，見到賓佬同個阿伯一齊行...

中間有個小息果陣，夢露小姐拎起係m.c度攞番黎ga糖漿『掟』番比佢，又『掟』唔中，一野撞落張檯度，d糖漿爆晒出黎，整度周圍都係。
豐哥係我面前，佢中左之後即刻彈開，我果陣仲以為自己好好彩，前面有豐哥幫我擋住左。
點知我番去個位果陣，先發覺我成個袋面都係糖漿，本書又係，地下又係，檯又係，張椅都係...
雖然已經清潔完，但d野仲係痴痴地咁...

臨放學果陣，我仲見到豐哥條褲一大達野，成個幾鍾都仲未乾。
好心佢啦，要『掟』比人就『掟』準d啦，又『掟』唔準喎~
周圍d無辜人就賴晒招。

我之前咪話有個人諗住初3比我地上去佢屋企ga，琴日我聽人講係因為初3佢要去海洋公園，所以唔比我地去。
但係今日阿成問佢幾時去過海洋公園黎，佢話初2，而且佢仲話本來諗住初3去，但驚太多人所以冇。
過左一陣，佢講起海洋公園，我就問佢幾時去過黎，佢話初1，之後仲話琴日去左接佢阿爸阿媽機，所以先唔比我地上去佢地度。
但我記得佢之前講過，初3係佢屋企人已經番左黎，不過佢地要睇鋪，所以我地先有得上佢屋企。
講咁多大話都唔知想呃邊個，如果要呃人就要聰明d啦，同個個人講ga藉口都唔同，唔通你想同人講『係丫~ 我講緊大話丫』
講大話都要有技巧先得架，如果你係想話比人聽你係講緊大話ga，咁你成功囉~

雖然你謊話連篇，不過都係比我睇穿~
冇計啦，邊個叫你係大話天才面前講大話，如果唔係都唔會咁容易比人折穿 =]

M.C....
記住你丫，又一次唔比我睇點做丫~
之前又係喎，問你攞舊雞都唔比，而且又唔係第一次唔借比我睇點做。
得啦，下次你問我，我一定唔會借野比你囉~