今日由大聲安黎講野，係咁晒野囉~
話咩佢自己幫明星演唱會影ga相，有話咩d老師成日話佢係唱歌，樂器同影相都好得ga人~
扮乜丫，得果樣~ 你估你自己樣樣精咩，咪又係得半桶水~
又話佢ga師姐係汪明荃，師兄係秋官。
都唔知講黎做乜，你好勁咩~
都唔知點解人地2個紅晒，仲要做埋明星，你就折墮到要黎魚蛋強做一個老師仔。
師兄係秋官，師姐係汪明荃又如何，自己咪係一個魚蛋強ga老師仔，人地幾勁都冇用啦，自己咪又係一個飯桶，你話係咪先~

中史有2份要留，如果唔係alien提miss，可能唔駛留。
如果佢冇野留都話會咁講丫，問題係佢有3份都唔合格，都唔知點解佢咁正義~

英文堂果陣咸濕佬問我係咪上去食，我之前同夢露小姐講過，如果葉少同咸濕佬問我想唔想去食，我會同佢地講『上丫，不過唔係上去同你食』。我照番咁同咸濕佬講，唔知我講果陣係咪太認真，佢聽左之後即刻嬲囉，我原本諗住解釋，不過見到佢果樣都算啦~

同世雄+傻強上去食，一痴埋佢地度就好想講粗口，好似唔講就唔舒服咁 :]
食完飯三個本來一齊行，傻強冇啦啦比人拉走左囉，離棄左我地2個><

次次上親中文堂都勁眼訓囉，都唔知點解~
係人都鍾意比人讚，向人展示自己優勝之處啦，但我未見過d人咁出面囉~
咸濕佬拎佢70分ga文去問miss點樣可以作高d，保齡即刻罵佢囉~
話咩作文作到企穩3級就ok，冇需要再高，因為只不過係為左會考。
我都睇得出佢係想晒命啦，唔通miss會睇唔到咩~
比人罵都係應該啦，不過佢自己本人都覺得自己冇錯度囉，佢係咪有問題架??

聽日體育考踢波，隻腳指整親，痛到我連行步路都好辛苦，都唔知點踢...
性神d個筆袋比人偷晒囉，淨係留番知冇乜墨ga筆同個筆袋比佢，果人唔偷可能係唔值錢~.~
正所謂『善惡有頭終有報』，鬼叫你係咁偷人地筆咩，依家比人一次過偷晒，你知錯未~