英文miss係咁話我地唔理英文，係咁罵，係咁罵....
但我照溫中史  kaka~

測中史，唔多識~
好驚之前ga測驗，我琴晚成日夢見自己攞多30分合格，幾次都係咁。不過，次數咁多，係咪暗示我會唔合格呢~

中文一堂做測驗，一堂對測驗，好悶~
『超寸嘴呀呢篇文~』『咦~ 係喎，真係好寸嘴喎~』
有乜咁寸嘴丫~
我唔明囉~   我點睇都睇唔出又幾寸喎，篇文好普通姐~
唔係未見過咩叫寸嘴嘛? 你身邊已經有個好寸嘴ga人坐左係你附近啦，駛唔駛叫佢話你知咩叫寸?

放學之後去左圖書館做功課，無啦啦弱智寧話要搜我書包，因為有人唔見左八達通，而且用閉錄見到我嫌疑最大，所以有必要咁做~
我比佢搜，當然，又唔係我偷，當然搜唔到咩野出黎啦~
弱智寧搜搜下，就拎我本詠讚話好認真咁講『呢本野肯定收唔到啦~』
你依定搜書包定搞笑丫?

邊有人偷完野，仲會坐番事發地點架~
唔通等你搜書包，等你報警搵人拉我咩~
姐係有人打劫完周生生，企左係門口比差人捉咩? 
冇可能啦係咪先~
拎左仲唔即刻走，留係到，扮型咩?!