今日行落去搭車，見到果傻佬係咁同成埋等緊車ga女仔講新年快樂，嚇到原本仲傾緊計ga女仔即刻收晒聲囉!! 但我係咁笑，之後我走去班女仔後面排隊，果傻佬走個黎同我講『哥仔，新年快樂，身體健康!!』我即刻笑唔出囉，佢望住我唔走，我就點頭。佢見我點頭就走開左。之後佢走去同小巴司機講，佢一路講，個巴司機就係咁點頭，幅度超大，d頭髮跟住佢係咁fing囉，勁好笑XD~
行番去學校果陣，見到隻狗企左係棵榭隔離，我初初以為唔個人咁冇良心，將隻狗遺棄。行近D睇，先知原來係隻毛公仔狗囉，不過超似。

中文堂派番之前果D野，超低級囉~ 個2篇作文同游說果份，同坐我隔壁果D人比，簡直係小巫見大巫，好彩佢地冇問我，如果唔係自卑到死...

中史冇測驗，gd~ 當miss望果黎我果行問我地邊個冇蓋上書，我仲諗緊佢講緊咩，隻手已經關左本書，成行人都關得好快。可以用快如閃電黎形容...

宗教同周忠坐，係咁傾，係咁笑，冇停過~
落左堂之後牙『較』攰，可能傾計傾到咁...

地理如常同肥楠調位坐，條廢柴明話將我地ga分入晒。佢開左出黎比我地睇，但因為話唔係好想我地睇到人地ga分數，所以就唔比我地睇人名果人欄囉~ 淨係比我地睇d紅紅藍藍ga分數，又唔比我地睇個名，睇黎又有咩用丫? 不如同我地講我地今次有幾多人合格，邊到考得唔好仲好過啦~ 咁咪仲有用，睇埋果d野唔通就知自己係班入面ga水平去到邊到咩?

番到黎諗住上網搵野放落果電腦功課度，但好慢。最後叫max幫我去我指定果網，叫佢比個d料我。之後佢搵到樣野，我睇到之後即刻笑左出聲囉，搞到我阿爸走過黎睇我發生咩事。不過唔係真定假，番去問下夢露小姐先，睇下果樣野係咪真係用到XD

唔知人數點解上升得咁快，熟人睇就話冇所謂，路過ga都冇乜所謂，但如果係我一d唔鍾意ga人睇我日記，我就好有所謂。無計啦，我今日講呢個唔好，聽日講果個唔好。傳到比個果人聽咪弊!! 唔怪得知max set 密碼啦，睇怕都係驚呢樣。不過就係因為咁，所以我ga人數係佢2倍咁多XD

英文唔想做，咁叉多~