數學堂，咸濕佬同葉少係咁講野。夢露小姐想同葉少講野，但係葉少講野，但佢唔理。想同咸濕佬講野，但佢唔理。好唔容易等到佢地兩個收聲，經住夢露小姐就即刻同葉少講野啦，講唔到一句，咸潔佬就叫佢收聲，話聽彪叔講書。等左咁耐都冇人肯聽佢講，超xd~

以為中文派卷，點知原來考讀書囉。超狗丫，考榮爺之前果d人，都係離miss好近。考完榮爺之後，miss叫d人走遠d講囉~ 唔公平丫 >.<

電腦堂本來已經好急，但我死忍。冇計啦，地下廁所個廁所板咁污穢，點坐得落去丫~  叫我上番去又唔想，咁鬼遠~
等到上地理堂，就放低本書，問都唔問果廢柴，就即刻衝去5樓男廁。我覺得自己痾左好耐，但我入番地理室，佢都冇理到我囉 gd~

之後問葉少借電話打比max，但佢冇接。於是我打比夢露小姐，問下佢max係咪佢隔離。一通左，佢就問我係邊個，識左5年都認唔出我把聲?我又唔想講自己果名出黎，因為覺得講自己果名出黎會覺得好怪。經住我唔知點答佢，把口已經彈左句粗口出黎罵佢...之後我託佢叫man開機，佢話ok。我仲未問得切佢係咪去，佢就cut線囉，都唔知係咪嬲....

唉，已經炒左3科，唔知聽日又會炒咩科...