中史唔掂，第2條己經全錯，咁就冇左4分~ 之後ga第3、4、5都唔識，因為冇溫... 全部都係作落去，每條都起碼作左2、3百字，好有滿足感，因為估唔到自己可以作到咁多野出黎~

好心自己唱得難聽，就咪學人去唱k啦~如果自己去唱咪算囉，都唔知點解係要搵d咁大口ga人一齊唱。睇下睇下，一齊得難聽，就比人唱通街喇，你話你自己係咪自找麻煩丫~ 所以比人串番都好應該姐，冇理由咁就爆粗話人。都唔諗下自己係人地心目中係咩地位，仲要咁講野，唔通你想同人地打番場丫?如果係罵我ga話，我一定唔忍，衝過黎打你囉~

放學話全部人唔進走，詬因為f.1有個學生唔見電話，所以要搵下有冇人偷左。你喻左大番黎，就有機會唔見啦，而且偷左之後仲會唔會仲將手機放係身度，等你黎搵番丫?肥婆井入到黎班房，就叫我地拎曬全部野出黎，拎曬出黎又唔係睇喎~ 係咁意拍兩下，就叫我地收番曬入去。如果要睇下係咪有人偷，都係咁意拍下個褲袋丫，連拍都懶得拍。我拎曬櫃筒d野出黎再塞番落去，發覺塞唔番本聖經囉，又要我重頭諗下點砌過。就係因為果條友，累全校800幾個師生加加埋埋冇左成32000分鐘丫，果條友點賠償番比我地丫~