其實依家d人係咪鍾意比人讚、做d小動作引人注意呢?

就好似今日咁，明知自己ga中史測得唔差，但驚死人地唔知咁。佢就擰轉後面，扮曬天真ga樣問人『你知唔知我幾分?』

比個波撞到「要害地方」ga附近，竟然可以奄住果度維持一段時間，仲要果波冇乜力，佢都可以奄住咁耐。到引得阿sir行過黎問佢咩事，佢就笑笑口話冇事。咁仲唔係做d小動作引人注意?

我之前比人用果裝左水ga樽擲埋黎，中正要害。果陣我都冇奄住果度咁耐啦~

唔通佢以為呢d係好大件事，要阿sir黎處理先得? 定抑或用咁ga方式引得阿sir注意，係一件好威ga事先?

不過，鍾意比人讚ga人唔係得佢，我都係其中一個。

但係我唔會咁直接問人，你咁問人，人地一定地寸你。

就好似佢問人『你知唔知我幾分?』咁，人地就同佢講『我理得你理幾分丫~』

就算想人地讚你，都唔駛問得咁直接丫~ 如果想人地讚你，咁你都要比d成績人地睇先得架~

你咁問人，人地唔寸你. . . 邊有可能丫~ 搵鬼信咩