琴日冇寫blog,係因為今日要考試,講番今日既野先啦!

今日都算遲番到學校喇,上到去條走廊,見到成班男

仔出左課室,望住個花園,之後打左呤鐘,我地班男仔

會同2B班既女仔一個課室考試,而1B班女仔會同2B

班男仔一齊考試,咁樣做係唔想我地「出貓」,我同

2B班個女仔,佢叫做麥淑燕,佢好靚女嫁,但係唔夠章仔銓

個個女仔靚,但係黃家成就同個肥婆一齊做,我真係好開心呀,

能夠同個靚女坐,講番考試喇,今日考中文作文,我覺得好容易,

但係有小小難,算喇,唔考都考左喇,聽日考General English & Comprehension,

希望可以攞A啦!

今日朝早番到去課室,剩係見到成班男仔喺度做功課,

個陣時我先記得今日有綜合人文小測同中文默書,之

後我就即刻溫書,到左人文堂,小測 lo,原來好容易姐,

嚇死我,仲以為勁難 tim,之後就上英文堂,Miss Wong

今日喺度講番考試既內容,畀我地睇,我睇完先發覺原來

咁容易 ge,直頭係小五程度,唔通老師一直當我地係五

年級,之後就科學,超悶..........呤...小息 lo,落左去小食

部買野食,之後就上中文堂,默完書,老師講番中文說話D

分數,滿分30分,我地班最高分得26分,但係我只係得23.5分,

都ok啦!之後就上數學堂,用一個字形容,悶悶悶!呤.....食飯lo,

今日食左意式焗雞皇飯,超好未,之後上埋最後一堂-工藝,呤.....

放學 lo,唔講咁多喇,係咁先啦!~8~

好累呀!我岩岩先番到屋企,因為頭先同阿媽去左荃彎買野,

行行下,阿媽問我洗唔洗買衫,我緊係話要喇,點知買買買,

買左3件衫同埋2條褲,總共用左$316,真係攞我命咩,三

百幾蚊嫁喎,好彩阿媽出一半姐,嚇死我呀!我家姐今日去

左迪士尼參加「聯合國兒童基金會十公里慈善跑」,我聽

佢講話用左1:10 min's 跑完成個迪士尼,咁又係ge,我家

姐係越野長跑隊ge,應該有可能限定時間內完成ge,唔講

咁多喇,因為好累呀!聽日再講喇, ~8~