比利是無聲無息咁去世了......
當我醒左仲係床到躺住ge時候 我聽到依個消息
我一聽到依個消息 思緒係亂糟糟的 心想:不會吧......為甚麼這麼突然
過左太約一分鐘後 我好快咁衝左出房門 企左係比利是ge籠前面......好靜咁望住佢
望左足足兩三分鐘 但係該時我完全係好平靜
走近一d 更近咁望住佢 先發現 比利是佢個身係朝住籠門口ge方向......甚至連個頭 都好似好想打開個門走出黎咁
我忽然諗番起琴日一點幾ge時候我仲整緊d字 發現有d聲響 就走左出去睇咩事
走左出去望左一望比利是 發現佢企左係個籠下面 好大口好大口咁吸住氣 但係佢平時一見有人行埋去都會咁做
所以我都無乜留意 番番去繼續整字......但係 點都估吾到 依個係佢ge最後一面......
我蹲左係個籠格離 終於有d忍吾住 眼眶有d熱 就好似......有種野好想泛濫
但係我依然平靜咁望住佢朝住門口ge動作......
再不哭就會不懂哭了吧？ 眼淚就緩緩流左落黎 但也只是那幾滴而已......
我那時有種感覺 佢是想在籠裏面出黎吧？ 因為一點幾ge時候......佢個身係平行係個籠門口的
但係今朝早就...... 可想而知 佢係花費左好大力氣將個身轉過去個門口到 我再都壓抑吾住 眼淚越流越多......
我介意的吾係佢ge死 因為死係遲早都有 只係提早左 同時對佢黎講可以講係一件好事吧....
但我介意ge係佢臨死前都要朝住門口.....原來佢一直都知道門口係邊到 好耐之前仲有一次佢都試過係我忘了關門ge時候爬過出黎
點知比我發現左捉番番去 因為驚佢會到處亂爬整傷自己 佢甚至連飛都會撞埋牆...... 之後都吾再走埋去門口
但係今次 佢係真係想走出黎 但係我已經訓左 佢又吾出聲 完全毫無預兆咁
所以 我想對你講：比利是 對不起！ 同時，都好多謝你 多謝你陪左我三年 亦都多謝你教識左我依座冰山哭......因為無左你 可能我點都吾知哭係怎樣了吧。
真係好多謝你！ 下世吾好再做鸚鵡啦 會再比人關住的 外面ge天空真係好令 我都好鐘意睇天空 所以 就算要做多次雀仔 都要做一隻自由自在ge鳥！
有緣的話 說不定 當我望天空ge時候可能望到你吧！ 有機會的話 說不定 當你做了人以後會和我一樣看著天空
那我會跟你說 黃昏ge天空雖停暫 不過卻有著一種迷惑人心神ge奇力 有種令人感嘆而又平靜ge神力。
有緣的話 下輩子會見面吧﹗
你永遠都係家人的一份子！
直到哥走過黎安慰我 我才真正哭了出來......
多謝你 比利是。你教識左我一樣珍貴的東西。
蕭逆風字
|
